13:55, 02 - جەلتوقسان 2021 | GMT +5
ب ۇ ۇ باس حاتشىسى جاڭا شتامعا بايلانىستى ساپارلاردى شەكتەۋ ادىلەتسىز ەكەنىن ايتتى
نۇر-سۇلتان. قازاقپارات - ب ۇ ۇ باس حاتشىسى انتونيۋ گۋتەرريش جاڭا COVID-19 «وميكرون» شتامىنىڭ تارالۋىنا بايلانىستى قويىلعان جاڭا ساياحات شەكتەۋلەرىن «ادىلەتسىز» دەپ اتادى، - دەپ حابارلايدى Reuters اگەنتتىگى.
گۋتەرريشتىڭ ايتۋىنشا، ساياحات پەن ەكونوميكالىق ىنتىماقتاستىققا مۇمكىندىك بەرە وتىرىپ، ۆيرۋستىڭ تارالۋ قاۋپىن ازايتۋدىڭ جالعىز جولى - ساياحاتشىلاردى تولىعىمەن ۆاكسيناتسيالاۋ.
«بىزدە قاۋىپسىز ساپارلارعا ارنالعان بارلىق قۇرالدار بار. بۇعان جول بەرمەۋ ءۇشىن وسى قۇرالداردى قولدانايىق»، - دەدى گۋتتەريش.
بىرىككەن ۇلتتار ۇيىمىنىڭ باسشىسى COVID-19 جاڭا شتامىنىڭ شىعۋىنا بايلانىستى ساپارلارعا تىيىم سالۋ «ادىلەتسىز عانا ەمەس، سونىمەن قاتار ءتيىمسىز» ەكەنىن ايتتى.
بۇعان دەيىن د د ۇ COVID-19 جاڭا شتامىنا بايلانىستى شۇعىل كەڭەس ۇيىمداستىرعان بولاتىن.
