وسكەمەن قالاسى اكىمىنىڭ جاڭا ورىنباسارى تاعايىندالدى

وسكەمەن. قازاقپارات - يرينا سميت وسكەمەن قالاسى اكىمىنىڭ ورىنباسارى بولىپ تاعايىندالدى، دەپ حابارلايدى قازاقپارات ءتىلشىسى.

يرينا فەدوروۆنا 1972 -جىلى 8-قىركۇيەكتە شىعىس قازاقستان وبلىسى گلۋبوكوە اۋدانى پرەدگورنوە اۋىلىندا دۇنيەگە كەلگەن. 1995 -جىلى وسكەمەن پەداگوگيكالىق ينستيتۋتىن بىتىرگەن.

1989-1990 -جىلدارى وسكەمەن پەداگوگيكالىق ينستيتۋتىنىڭ لابورانتى، پەداگوگيكا كافەدراسىنىڭ اعا پرەپاراتورى بولدى.

1995-1998 -جىلدارى قالاداعى №11-مەكتەپ- گيمنازياسىنىڭ تاريح ءپانىنىڭ مۇعالىمى بولىپ ەڭبەك ەتكەن.

1998-1999 -جىلدارى وسكەمەن قالالىق ىشكى ساياسات ءبولىمىنىڭ باس مامانى، 1999-2001 -جىلدارى شىعىس قازاقستان وبلىسى اقپارات جانە قوعامدىق كەلىسىم باسقارماسى بۇقارالىق اقپارات قۇرالدارى جانە رەفورمالاردى ناسيحاتتاۋ ءبولىمىنىڭ جەتەكشى مامانى لاۋازىمىن اتقارعان.

2001-2005 -جىلدارى ش ق و ىشكى ساياسات دەپارتامەنتى قوعامدىق- ساياسي جاعدايدى تالداۋ ءبولىمىنىڭ باسشىسى.

2005-2011 -جىلدارى ارالىعىندا شىعىس قازاقستان وبلىسىنىڭ ىشكى ساياسات دەپارتامەنتى اقپاراتتىق ساياسات جانە بۇقارالىق اقپارات قۇرالدارىنىڭ مونيتورينگى ءبولىمىنىڭ باسشىسى.

2011-2018 -جىلدارى ش ق و ىشكى ساياسات باسقارماسى باسشىسىنىڭ ورىنباسارى بولىپ قىزمەت ەتتى.

2018-2020 -جىلدارى اتالعان باسقارمانىڭ باسشىسى بولدى. 2020 -جىلدان باستاپ وسى ۋاقىتقا دەيىن وبلىستىق ىشكى ساياسات باسقارماسى باسشىسىنىڭ ورىنباسارى لاۋازىمىندا ەڭبەك ەتكەن.

اۆتور: تالعاتجان مۇحامەتبەك ۇلى