رەسەيدەن اكەلىنگەن كولىكتى ساتىپ العان قازاقستاندىق شىعىنعا باتتى

كوكشەتاۋ. قازاقپارات - اقمولا وبلىسىنىڭ تۇرعىنى رەسەيدە ىزدەۋدە جۇرگەن كولىكتى ساتىپ جىبەرگەن، دەپ حابارلايدى قازاقپارات ءتىلشىسى وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، 26-قاراشادا كوكشەتاۋ قالالىق پوليتسيا باسقارماسىنىڭ كەزەكشى بولىمىنە وبلىس ورتالىعىنىڭ تۇرعىنىنان ارىز ءتۇستى.

ارىز بەرگەن ايەلدىڭ سوزىنشە، 2021 -جىلدىڭ شىلدە ايىندا كوكشەتاۋ قالاسىنىڭ 23 جاستاعى تۇرعىنى وعان رەسەي فەدەراتسياسىندا ۇرلانعانى ءۇشىن ىزدەۋدە بولعان «Nissan Sunny» اۆتوكولىگىن ساتقان.

بۇدان ايەلگە 1 ميلليون 50 مىڭ تەڭگە شىعىن كەلتىرىلگەن. «قازىرگى كەزدە وسىعان بايلانىستى قىلمىستىق كودەكستىڭ 196-بابى 3-بولىگى «كورىنەۋ قىلمىستىق جولمەن تابىلعان مۇلىكتى ساتىپ الۋ نەمەسە وتكىزۋ» بويىنشا سوتقا دەيىنگى تەرگەۋ باستالدى»، - دەدى ۆەدومستۆودان.

اۆتور: اسلان وسپانوۆ