الماتىدا كولىكتىڭ ۇستىنە الىپ اعاش قۇلادى

الماتى. قازاقپارات - الماتىنىڭ ورتالىعىندا ەسكى الىپ اعاش كولىك ۇستىنە قۇلادى، دەپ حابارلايدى قازاقپارات ءتىلشىسى.

ونىڭ ۆيدەوسى الەۋمەتتىك جەلىدە تاراپ جاتىر. بەينەجازبادان الىپ اعاشتىڭ جەڭىل كولىكتى باسىپ قالعانىن كورۋگە بولادى.

وقيعا 26 - قاراشادا گوگول مەن قالداياقوۆ كوشەلەرىنىڭ قيىلىسىندا بولعان.

قالالىق ت ج دەپارتامەنتىنىڭ مالىمەتىنشە، تۇسكى ساعات 13.19 دا مەدەۋ اۋدانىنىڭ پوليتسەيلەرىنەن حابارلاما تۇسكەن.

«ت ج د- عا مەدەۋ اۋداندىق پوليتسيا باسقارماسىنان قالداياقوۆ كوشەسى، 28-ءۇيدىڭ جانىندا «KIA RIO» ماركالى اۆتوكولىگىنە اعاش قۇلاعانى تۋرالى حابارلاما كەلىپ ءتۇستى. قازا بولعاندار مەن زارداپ شەككەندەر جوق. وقيعا ورنىنا الماتى قالاسى اكىمىنىڭ اپپاراتى، «الماتى تازالىق» ج ش س، 109 قۇتقارۋ قىزمەتىنىڭ ماماندارى دەرەۋ جۇمىلدىرىلدى. قازىرگى ۋاقىتتا جولدىڭ ءجۇرۋ بولىگىن تازارتۋ جۇمىستارى اياقتالىپ، وقيعانىڭ ءمان-جايى انىقتالىپ جاتىر»، - دەپ حابارلادى ۆەدومستۆادان.