دانيار ەلەۋسىنوۆتىڭ الدا وتەتىن جەكپە- جەگىنە باعا بەرىلدى

نۇر- سۇلتان. قازاقپارات - Boxrec.com سايتى قازاقستاندىق بوكسشى دانيار ەلەۋسىنوۆتىڭ (10-0, 6 ك و) الداعى ۋاقىتتا وتەتىن مەكسيكالىق دانتە حاردونمەن (34-7, 25 ك و) جەكپە- جەگىنە باعا بەردى، دەپ حابارلايدى قازاقپارات Sports.kz سايتىنا سىلتەمە جاساپ.

بۇل جەكپە- جەكتە IBO نۇسقاسى بويىنشا جارتىلاي ورتا سالماقتاعى الەم چەمپيونىنىڭ بوس تيتۋلى باسكە تىگىلەدى. BoxRec بۇل ايقاستى بەس جۇلدىزدىڭ ىشىندە ءۇش جۇلدىزعا باعالادى. بۇدان بۇرىن ەلەۋسىنوۆتىڭ الان سانچەس (21-5-1, 10 ك و) جانە دجۋليۋس يندونگومەن (23-4, 12 ك و) وتكىزگەن جەكپە- جەكتەرى دە ءۇش جۇلدىزعا باعالانعان بولاتىن.

يندونگومەن قازاقستاندىق IBF Inter- Continental بوس بەلدىگى ءۇشىن ايقاستى، ال سانچەسپەن وتكەن جەكپە- جەككە مۇلدە تيتۋل تىگىلمەگەن.

ەسكە سالساق، 18-جەلتوقسان كۇنى نۇر- سۇلتان قالاسىندا ەل تاۋەلسىزدىگىنىڭ 30 جىلدىعىنا ارنالعان كاسىپقوي بوكس كەشى وتەدى. بۇل دانير ەلەۋسىنوۆتىڭ الەم چەمپيونى تيتۋلى ءۇشىن ءبىرىنشى ايقاسى بولماق. سونىمەن قاتار ونىڭ قارسىلاسى بەلگىلى بولدى.