گولوۆكين «كانەلومەن» ءۇشىنشى جەكپە-جەككە قاتىستى ويىن ايتتى

نۇر-سۇلتان. قازاقپارات - Forbes جۋرناليستى دجوش كاتسوۆيتس قازاقستاندىق گەننادي گولوۆكيننىڭ (41-1-1، 36 ك و) مەكسيكالىق ساۋل «كانەلو» الۆارەسپەن (57-1-2، 39 ك و) ءۇشىنشى جەكپە-جەككە قاتىستى پىكىرىن ءبىلدى، دەپ حابارلايدى Vesti.kz.

كاتسوۆيتس GGG- مەن سويلەسىپ، «كانەلومەن» تريلوگيا تۋرالى سۇراق قويدى.

«ەگەر الۆارەسپەن ءۇشىنشى كەزدەسۋ وتكىزبەسەڭ، بۇل كارەراڭداعى ءبىر كەمشىلىك بولادى دەپ ويلايسىڭ با» دەگەن سۇراققا گولوۆكين بىلاي جاۋاپ بەردى:

«بۇل مەنىڭ كارەرامداعى ۇڭىرەيىپ قالعان كەمدىك بولمايدى. ماعان قازىر ىڭعايلى. «كانەلوعا» قاتىستى ماعان ءبارى تۇسىنىكتى.

ەگەر بۇل ايقاس ايتارلىقتاي قىزىعۋشىلىق تۋدىرىپ، شىڭىراۋىنا جەتىپ، ءبارى مۇددەلى بولسا، ول جەكپە-جەك وتەدى. مەن اشىقپىن جانە دايىنمىن. ءبىراق ارينە، «كانەلو» نە ويلايتىنىن ەشكىم بىلمەيدى.