استانالىقتار پلاستيكالىق بوتەلكەنى وتكىزىپ قوعامدىق كولىك كارتاسىن تولتىرا الادى
نۇر- سۇلتان. قازاقپارات - ەلوردادا پلاستيكالىق بوتەلكەنى وتكىزىپ، ونىڭ قۇنىنا قوعامدىق كولىك كارتاسىنا بىرلىك سالۋعا بولادى. بۇل تۋرالى CTS (City Transportation Systems) ج ش س- نىڭ قوعاممەن بايلانىس ءبولىمىنىڭ جەتەكشىسى ناۋات ازانبايەۆا ءمالىم ەتتى، دەپ حابارلايدى قازاقپارات ءتىلشىسى.
«بوتەلكەنى تاپسىر دا قوعامدىق كولىك كارتاسىن تولتىر. ەندىگى ۋاقىتتا نۇر- سۇلتان قالاسىنىڭ قوعامدىق كولىگىنىڭ كولىك كارتاسىن بوس بوتەلكەنى تاپسىرۋ ارقىلى تولىقتىرۋعا بولادى. كولىك كارتالارىن پايدالانۋشىلار بوتەلكەلەردى تاپسىرعانى ءۇشىن سىياقى قاراستىرىلعان، ءبىر پلاستيكالىق بوتەلكەنىڭ قۇنى 3 تەڭگەنى قۇرايدى»، - دەدى اتالعان كومپانيا وكىلى ناۋات ازانبايەۆا.
ونىڭ ايتۋىنشا، وتكىزىلگەن پلاستيكالىق بوتەلكەلەر قايتا وڭدەۋگە جىبەرىلەدى. ەلوردا بويىنشا العاشقى بوتەلكە وتكىزۋ قۇرىلعىسى «استانالىق بازاردا» («ارتەم» ساۋدا ءۇيى) ورنالاسقان.
