بوكستان ەرلەر مەن ايەلدەر اراسىنداعى ق ر چەمپيوناتتارىنىڭ وتكىزىلەتىن مەرزىمى انىقتالدى

نۇر-سۇلتان. قازاقپارات - بوكستان ەرلەر جانە ايەلدەر اراسىنداعى قازاقستان چەمپيوناتتارىنىڭ وتكىزىلەتىن ۋاقىتتارى بەلگىلى بولدى، دەپ حابارلايدى قازاقپارات Olympic.kz سايتىنا سىلتەمە جاساپ.

باستى ماقسات - ەلىمىزدىڭ بارلىق وڭىرىنەن كەلگەن مىقتى سپورتشىلاردى انىقتاۋ جانە ۇلتتىق قۇرامانى جاساقتاۋ، باپكەرلەر مەن تورەشىلەر جۇمىسىن باعالاۋ سونىمەن قاتار الداعى جارىستارعا دايىندىق.

ايەلدەر اراسىنداعى قازاقستان چەمپيوناتى تۇڭعىش رەت 12 سالماق دارەجەسىندە، اقمولا وبلىسى، بۋراباي اۋدانى، شۋچينسك قالاسىندا «جاقسى» سپورتتىق بازاسىندا 7-12- جەلتوقسان ارالىعىندا وتەدى.

ەلىمىزدىڭ باتىس وڭىرىندە وتەتىن، ەرلەر اراسىنداعى ەل بىرىنشىلىگى 13 سالماق دارەجەسىندە، ورال قالاسى، استانا شاعىن اۋدانى 17، «تەننيس ورتالىعىندا» 14-24- جەلتوقسان ارالىعىنا جوسپارلانعان.