الماتى وبلىسىندا جۇكتى ايەل پەرزەنتحانانىڭ ءۇشىنشى قاباتىنان سەكىرمەك بولدى

الماتى. قازاقپارات - الماتى وبلىسىندا پەرزەنتحانانىڭ ءۇشىنشى قاباتىنان جۇكتى ايەل سەكىرمەك بولدى، دەپ حابارلايدى قازاقپارات ءتىلشىسى.

بۇل تۋرالى اقپارات الەۋمەتتىك جەلىدە تارادى.

«الماتى وبلىسىنداعى قاسكەلەڭ پەرزەنتحاناسىنىڭ دارىگەرلەرى تەرەزەدەن سەكىرمەك بولعان جۇكتى ايەلدى قۇتقارىپ قالدى»، - دەپ جازدى جەلى قولدانۋشى.

الماتى وبلىستىق پوليتسيا دەپارتامەنتى اتالعان وقيعانى راستادى.

«الماتى وبلىسىنىڭ پوليتسيا دەپارتامەنتى وقيعانىڭ 24 - قازاندا قاسكەلەڭ قالاسىنىڭ پەرزەنتحاناسىندا بولعانىن حابارلايدى. قاراساي اۋدانىنىڭ 41 جاستاعى تۇرعىنىنىڭ 3-قاباتتىڭ تەرەزەسىنەن سەكىرۋگە تىرىسقان»، - دەپ جاۋاپ بەردى ۆەدومستۆادان.

اتالعان دەرەك بويىنشا ق ر ق ك- ءنىڭ 105-بابى نەگىزىندە قىلمىستىق ءىس تىركەلدى جانە ونىڭ شەڭبەرىندە وقيعانىڭ بارلىق ءمان-جايى انىقتالاتىن بولادى.