قار، بۇرقاسىن، كوكتايعاق: بىرنەشە وڭىردە ەسكەرتۋ جاريالاندى

نۇر-سۇلتان. قازاقپارات - قازگيدرومەت بىرنەشە وڭىردە اۋا رايىنا بايلانىستى ەسكەرتۋ جاسادى، دەپ حابارلايدى قازاقپارات.

23- قاراشادا سولتۇستىك قازاقستان وبلىسىنىڭ باسىم بولىگىندە قار جاۋادى. وبلىستىڭ سولتۇستىگىندە، شىعىسىندا، وڭتۇستىك-شىعىسىندا بۇرقاسىن، كوكتايعاق كۇتىلەدى.

وڭتۇستىك-باتىستان، باتىستان جەل سوعادى، كۇشى 15-20 م/س، كۇندىز وبلىستىڭ سولتۇستىگىندە، شىعىسىندا، وڭتۇستىك-شىعىسىندا ەكپىنى 23- 28 م/س جەتەدى.

پەتروپاۆلدا 23- قاراشادا قار جاۋىپ، بۇرقاسىن بولادى. وڭتۇستىك-باتىستان، باتىستان جەل سوعادى كۇشى 15-20، كۇندىز ەكپىنى 23 م/س.

23- قاراشادا قاراعاندى وبلىسىنىڭ باتىسىندا، سولتۇستىگىندە، شىعىسىندا بۇرقاسىن، كوكتايعاق، وبلىستىڭ وڭتۇستىگىندە تۇمان كۇتىلەدى.

وڭتۇستىك-باتىستان جەل سوعادى، وبلىستىڭ باسىم بولىگىندە كۇشى 15-20، وبلىستىڭ باتىسىندا، سولتۇستىگىندە ەكپىنى 23-28 م/س جەتۋى ىقتيمال.

قاراعاندىدا 23-قاراشادا بۇرقاسىن، كوكتايعاق. وڭتۇستىك-باتىستان جەل سوعادى، ەكپىنى 15-20 م/س بولادى.

جەزقازعاندا 23- قاراشادا بۇرقاسىن، كوكتايعاق كۇتىلەدى. وڭتۇستىك-باتىستان جەل سوعادى، ەكپىنى 15-20 م/س.

23- قاراشادا اقمولا وبلىسىندا بۇرقاسىن، كوكتايعاق بولادى. وڭتۇستىك- باتىستان جەل سوعادى، كۇشى 15-20، وبلىستىڭ سولتۇستىگىندە، شىعىسىندا ەكپىنى 23-28 م/س كۇتىلەدى.

كوكشەتاۋدا 23- قاراشادا كەي ۋاقىتتاردا جاياۋ بۇرقاسىن، كوكتايعاق كۇتىلەدى. وڭتۇستىك- باتىستان جەل سوعادى، ەكپىنى 15-20 م/س جەتەدى.

23- قاراشادا تۇندە قىزىلوردا وبلىسىنىڭ سولتۇستىگىندە جەل وڭتۇستىك-باتىستان سوعادى، كۇشى 15-20 م/س كۇتىلەدى.

23- قاراشادا باتىس قازاقستان وبلىسىنىڭ سولتۇستىگىندە، باتىسىندا تۇمان، كوكتايعاق كۇتىلەدى. ورالدا 23- قاراشادا تۇمان ءتۇسىپ، كوكتايعاق بولادى.

23- قاراشادا اقتوبە وبلىسىنىڭ سولتۇستىگىندە جاياۋ بۇرقاسىن، كوكتايعاق ساقتالادى. باتىستان جەل سوعادى، تۇندە وبلىستىڭ شىعىسىندا ەكپىنى 15-20 م/س جەتەدى.

23- قاراشادا اتىراۋ وبلىسىنىڭ باتىسىندا جانە ورتالىعىندا تۇمان تۇسەدى. اتىراۋدا 23- قاراشادا تۇندە جانە تاڭەرتەڭ تۇمان بولادى.