دجو بايدەن: ا ق ش - مۇمكىندىكتەر ەلى

بۇل - پرەزيدەنتتەر دجو بايدەن مەن شي جينپيڭنىڭ رەسمي تۇردە العاش رەت جۇزدەسۋى. 3,5 ساعاتقا سوزىلعان باسقوسۋ اۋىز تولتىرىپ ايتارلىقتاي ناتيجە بەرمەدى، - دەيدى ساراپشىلار.

ب ۇ ۇ- نىڭ قاۋىپسىزدىك كەڭەسى مەن حالىقارالىق قاۋىپسىزدىك، كليماتتىڭ وزگەرۋى، جاھاندىق ساۋدا- ساتتىق پەن ادام قۇقىقتارىن قورعاۋ سياقتى ءبىرقاتار ماسەلەلەر كوتەرىلدى. وزەكتىلىگى ارتا باستاعان كيبەركەڭىستىك پەن ستراتەگيالىق يادرولىق ماسەلەلەر دە ءسوز بولدى. ءبىراق قانداي دا ءبىر ناقتى شەشىمدەر قابىلدانعان جوق.

دجو بايدەن، ا ق ش پرەزيدەنتى:

- مەن ق ح ر پرەزيدەنتى شي جينپيڭمەن ۆيرتۋالدى كەزدەسۋگە قاتىستىم. وسىدان بىرنەشە جىل بۇرىن مەنىڭ ۆيتسە- پرەزيدەنت بولىپ جۇرگەن ۋاقىتىمدا شي جينپيڭمەن كەزدەسىپ، ماعان «ا ق ش- تى سيپاتتاپ بەرشى» دەگەن ەدى. مەن بولسام، ا ق ش ول «مۇمكىندىكتەر» سوزىمەن استاسادى دەپ ا ق ش- تى ءبىر عانا سوزبەن سۋرەتتەپ بەردىم. سەبەبى ا ق ش - ول مۇمكىندىكتەر ەلى.

ۆيرتۋالدى كەزدەسۋ بارىسىندا ا ق ش قىتاي بيلىگىنىڭ شىڭجاڭ، تايۆان جانە گونكونگتەگى ارەكەتتەرىن تالقىلاپ، ادام قۇقىقتارىن قورعاۋ تۋرالى ءسوز قوزعادى. وسىعان دەيىن اق ءۇي بەيجىڭدى سىنعا الىپ، اتالمىش ماسەلەلەر بويىنشا نارازىلىعىن بىلدىرگەن ەدى. قىتاي بولسا، بۇل ايىپتاۋلارىمەن كەلىسپەيتىندەرىن مالىمدەدى.

سونىمەن قاتار وسى اپتادا ا ق ش پرەزيدەنتى كەلەسى جىلدىڭ باسىندا بەيجىڭدە وتەتىن قىسقى وليمپياداعا ساياسي بايكوت جاريالاۋ تۋرالى ءمالىم ەتكەن. قىتاي بۇعان قاتىستى ءوز پىكىرىن ءبىلدىردى.

جاو ليتسزيان، ق ح ر س ءى م رەسمي وكىلى:

- امەريكا قۇراما شتاتتارى قىتايدى شىنجاڭداعى گەنوتسيد پەن ەرىكسىز ەڭبەك پايدا بولعانى تۋرالى جالعان ايىپتايدى. حالقىمىز ونى ءازىل رەتىندە قابىلدايدى. امەريكا ەلىمىزدى باسقا دا شىندىققا جاناسپايتىن ادام قۇقىقتارىنا بايلانىستى ماسەلەلەر بويىنشا كىنالايدى. سپورتتى ساياساتتاندىرۋ وليمپيادا رۋحى مەن سپورتشىلاردىڭ مۇددەلەرىنە قارسى كەلەدى. قىتاي وليمپيادا رۋحى مەن ءار تاراپتىڭ كۇشتەرىنە ءسۇيىنىپ، قاۋىپسىز ءارى تاماشا ويىنداردى وتكىزەتىنىنە سەنىمدىمىز. بەيجىڭ وليمپياداسى حالىقارالىق سپورت ءىسىنىڭ دۇرىس دامۋىنا ۇلەسىن قوسادى.

www.24.kz