ۇلتتىق ۇلان ساربازدارى نۇر-سۇلتاندا ەسىرتكى جاسىرعان ادامدى ۇستادى

سونىمەن قاتار نۇر-سۇلتاندا ەسىرتكى تۇيىنشەكتەگەن ازاماتتى ۇستاعان، دەپ حابارلايدى قازاقپارات ق ر ۇلتتىق ۇلاننىڭ باسپا ءسوز قىزمەتىنە سىلتەمە جاساپ.

جاقىندا الماتى اۋدانىنداعى سۇلۋتوبە كوشەسىندە قىزمەتتە جۇرگەن ساربازدار ءبىر ازاماتتىڭ باعانانىڭ جانىندا بىرنارسە جاسىرىپ تۇرعانىن بايقاپ قالعان. اسكەري جاساقتىڭ باستىعى قاتارداعى ۆيكتور ساحاروۆ، قاتارداعى پاترۋلشىلەر سەدەت راۋشانبەكوۆ پەن جەڭىسبەك سامارعاليەۆ بىردەن ازاماتقا قاراي جۇرگەن.

ونىڭ باعانالاردىڭ اراسىندا بەلگىسىز زات ورالعان تۇيىنشەكتى جاسىرعانى انىقتالدى. ۇستالعان ازامات ءارى قاراي ءمان-جايدى انىقتاۋ ءۇشىن پوليتسيا قىزمەتكەرلەرىنە تاپسىرىلدى.

ساعات 19:00 شاماسىندا ەسەنبەرلين كوشەسىنىڭ بويىندا اسكەري جاساقتىڭ باستىعى قاتارداعى ديەربەك رۋستاموۆ، قاتارداعى پاترۋلشىلەر المات ابەنوۆ پەن نۇرمەت قۇدراتۋللايەۆ «yPhone 11» ماركالى ۇيالى تەلەفونىن، سونىمەن قاتار كامەلەت جاسىنا تولماعان ستۋدەنتكە تيەسىلى قاز گ ز ۋ كوللەدجىنىڭ ستۋدەنتتىك كارتاسىن تاپقان.

ولار بۇل تۋرالى اسكەري جاساق بويىنشا كەزەكشى مايور بەرىك ولجانوۆقا حابارلاعان. وفيتسەر جاقىن جەردەگى كوللەدج عيماراتىنا جول تارتادى. شامالى ۋاقىتتان كەيىن ستۋدەنتتىڭ كۋراتورىنىڭ ءنومىرى تابىلىپ، ول ستۋدەنتتىڭ كۋرستاسىمەن بايلانىسقا شىعادى.

وسىلايشا، 10 مينۋتتىڭ ىشىندە تەلەفون ستۋدەنتكە قايتارىلادى.

ايتا كەتۋ كەرەك، كۋراتورعا حابارلاسقانعا دەيىن ستۋدەنت تەلەفونىن جوعالىپ العانىن بايقاماعان.

ءبىر ساعاتتان كەيىن ساعات 20:00 دە سارىارقا داڭعىلىنىڭ بويىندا اسكەري جاساقتىڭ باستىعى قاتارداعى رۇستەم ساراپبايەۆ، قاتارداعى پاترۋلشىلەر الىشەر رامازانوۆ پەن الەكساندر ۆويتيۋك «yPone 11» ماركالى تەلەفونىن تاۋىپ الادى. تەلەفوننىڭ يەسى وقيعا ورنىنا كەلىپ، 5573- اسكەري ءبولىم قولباسشىلىعىنا العىسىن ءبىلدىردى.