وتىز جاستاعى انا بىردەن بەس بالانى دۇنيەگە اكەلدى

30 جاستاعى ايەل ءبىر جۇكتىلىك ۋاقىتىندا سەۋل ۇلتتىق ۋنيۆەرسيتەتىنىڭ اۋرۋحاناسىندا بوسانعان. بەيسەنبىنىڭ كەشىندە دۇنيەگە ءتورت ۇل بالا مەن ءبىر قىز كەلدى. اۋرۋحانا مالىمەتىنشە، ايەل كەسار تىلىگى كومەگىمەن بوساندى.

بوسانۋ پروتسەسىنە پروفەسسور دجۋن چەن كۆاننىڭ باسشىلىعىمەن 30-دان استام مەديتسينالىق قىزمەتكەر قاتىستى. ەلدە سوڭعى رەت بىردەن بەس بالانىڭ دۇنيەگە كەلۋ فاكتىسى سوناۋ 1987 -جىلى تىركەلگەن. كوپۇرىقتى باسقا بالالار سياقتى، بۇل بەس نارەستەنىڭ سالماعى جەڭىل بولعانىمەن، دەنساۋلىعى جاقسى. شاقالاقتاردىڭ اتا-اناسىنىڭ ەكەۋى دە 30 جاستا، ولار 17- ارميالىق ديۆيزيانىڭ كاپيتاندارى. 2018 -جىلى وتاۋ قۇرعان. اناسى جاساندى ۇرىقتاندىرۋ جولىمەن جۇكتى بولعان.

«مەنىڭ جۇبايىم شىنىمەن دە باقىتتى، سەبەبى ول ەگىز بولعانىن قالاعان ەدى»، - دەيدى باقىتتى انا.

اۆتور: زارينا تۋعانبايەۆا