بەكشين كوروناۆيرۋستى كىمدەر ءجيى جۇقتىراتىنىن ايتتى

ونىڭ ايتۋىنشا، ىندەت وپتيميستىك كورسەتكىشتەرگە قاراماستان ءالى دە قاۋىپتى.

«بۇگىندە قالانىڭ ينفەكتسيالىق ستاتسيونارلارىندا 673 ادام كوروناۆيرۋستان ەمدەلىپ جاتىر. ونىڭ ىشىندە 17 بالا بار. سوندىقتان 12 جاستان اسقان جاس وسپىرىمدەردى بەلسەندى ۆاكسينالاۋ وتە ماڭىزدى. جاڭا «دەلتا» نۇسقا بالالار ءۇشىن وتە قاۋىپتى ءارى تەز جۇعادى. ەگەر وتكەن جىلى 281 وقۋشى جۇقتىرسا، وسى جىلدىڭ باسىنان بەرى ىندەتكە شالدىققاندار سانى - 15039»، - دەدى قالانىڭ باس سانيتارلىق دارىگەرى.

ەپيدەميولوگ الماتىلىقتار قاي جەردە كوروناۆيرۋستى ءجيى جۇقتىراتىنىن ايتتى.

«جۇقتىرعانداردىڭ ىشىندە ەڭ كوپ بولىگى ءوزىن-ءوزى جۇمىسپەن قامتىعان جانە جۇمىسسىز ازاماتتار - %28، زەينەتكەرلەر - %25، ءتۇرلى ۇيىمدار، ج ش س، جەكە كسىپكەرلىك قىزمەتكەرلەرى - %21. ءبىر اپتا ىشىندە جۇقتىرعانداردىڭ جالپى سانىنان جاس وسپىرىمدەر %5,3، 14 جاسقا دەيىنگى بالالار - %13,3، ونىڭ ىشىندە 1 جاسقا دەيىن - %2,2 قۇرايدى»، - دەپ اتاپ ءوتتى جانداربەك بەكشين.