پاۆلودار وبلىسىندا پوليتسەي كوشەدەگى يتكە وق اتۋعا ءماجبۇر بولدى
ايەلگە ۇمتىلعان الابايعا پوليتسيا ينسپەكتورى وق اتقان، دەپ حابارلايدى قازاقپارات Polisia.kz-كە سىلتەمە جاساپ.
17 قاراشا كۇنى كەشكىسىن پوليتسياعا شارباقتى اۋدانى الەكساندروۆكا اۋىلىندا كوشەدە الاباي ءيتى جۇرگەنى جانە ادامدارعا اتىلىپ جاتقانى تۋرالى حابار تۇسكەن. يتتە تۇمىلدىرىعى مەن قارعىباۋ بولماعانى ايتىلعان.
«شاقىرىلعان مەكەنجايعا وسى اۋىلدىڭ ۋچاسكەلىك پوليتسيا ينسپەكتورى جىبەرىلدى. وقيعا ورنىنا جەتكەن تالعات سماكوۆ جاعدايدى باعامداعان. ءيت ادامدار مەن بالالارعا ۇمتىلىپ جاتقان. بالالاردى دەنەسىمەن جاۋىپ، قورعاماق بولعان اۋىل تۇرعىنىن قۇتقارۋ ءۇشىن ۋچاسكەلىك قىزمەتكەر تابەلدىك تراۆماتيكالىق قارۋ قولداندى»، - دەدى پاۆلودار وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
پوليتسيادا اتاپ وتكەندەي، ءيت وق اتىلعاننان كەيىن قاشىپ كەتكەن.
ايەلدىڭ زارداپ شەگۋىنە قاتىستى ءيتتىڭ يەسىنە ق ر اكىمشىلىك كودەكسىنىڭ 408-بابى 2-بولىگى بويىنشا (ءيتتى سەرۋەندەتۋ ەرەجەسىن بۇزۋ) اكىمشىلىك ءوندىرىس قوزعالدى.
