بەلارۋس-پولشا شەكاراسىنداعى جاعداي: بوسقىندار توپتارعا ءبولىندى
مينسك. بەلتا - قازاقپارات - بەلارۋس-پولشا شەكاراسىنداعى وتكىزۋ بەكەتىنىڭ جانىنداعى لاگەردەگى بوسقىندار كىشىگىرىم توپتارعا ءبولىندى.
ولار كولىك-لوگيستيكالىق ورتالىققا قاراي جىبەرىلدى، دەپ حابارلايدى قازاقپارات بەلتا اگەنتتىگىنە سىلتەمە جاساپ.
ايتا كەتسەك، ولارعا بەلارۋس پرەزيدەنتى الەكساندر لۋكاشەنكونىڭ بۇيرىعىمەن ۇيىمداستىرىلعان ۋاقىتشا ورنالاستىرۋ بەكەتىنە وتۋگە بىرنەشە رەت ۇسىنىس جاسالعان.
كولىك-لوگيستيكالىق ورتالىقتا ولار بارلىق كەرەك زاتتارمەن قامتاماسىز ەتىلگەن. بوسقىندارعى جىلى كيىمدەر بەرىلگەن، تاماقتاندىرۋ ۇيىمداستىرىلعان.
ولارعا بيلىك ورگاندارىمەن قوسا، قوعامدىق ۇيىمدار دا كومەك كورسەتۋدە، تاۋلىك بويى دارىگەرلەر كۇزەتۋدە.
بەلارۋس تاراپى شەكارادا قالىپ قويعان ادامدارعا كومەك كورسەتۋ ءۇشىن قولدان كەلگەنىن ءبارىن جاساپ جاتقانىن حابارلادى.
