تۇركىستان وبلىسىندا ءىرى تۋريستىك كەشەن سالىنىپ جاتىر

ورداباسى. قازاقپارات - حالىقارالىق «باتىس ەۋروپا - باتىس قىتاي» اۆتوجولى بويىندا داڭقتى بالۋان، كۇش اتاسى - قاجىمۇقان مۇڭايتپاس ۇلى اتىنداعى ءىرى تۋريستىك كەشەن سالىنۋدا.

جالپى قۇنى 1 ميلليارد 375 مىڭ تەڭگەنى قۇرايتىن قۇرىلىس جۇمىستارى كەلەر جىلى اياقتالادى، - دەپ حابارلايدى قازاقپارات ءتىلشىسى.

سونداي- اق قازاق ۇلتىنىڭ قالىپتاسۋ كەزەڭىندە ءۇش ءجۇزدىڭ باسى قوسىلعان ورداباسى تاۋىنداعى «ورداباسى» ۇلتتىق تاريحي- مادەني قورىعى اۋماعىنان ۆيزيت- ورتالىقتىڭ قۇرىلىسى باستالدى.

«ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا ىرگەتاسى قالانعان «ورداباسى ساپار» ورتالىعىنىڭ جوبالىق قۇنى 1 ميلليارد

63 ميلليون تەڭگە قۇراپ وتىر. باستى ماقسات - تۋريستەرگە ساپالى قىزمەت كورسەتۋ. سونىمەن قاتار، اۋداندا مەديتسينالىق ءتۋريزمدى دامىتۋعا دا دەن قويۋدامىز» ، - دەدى ورداباسى اۋدانىنىڭ اكىمى باعلان باتىرشايەۆ.

جالپى اۋداندا بۇگىنگى كۇنى اۋىل شارۋاشىلىعىمەن اينالىسۋشىلار قاتارى دا ارتىپ كەلەدى. ءبىر القاپتان ەكى رەت ءونىم الىپ جاتقان شارۋالاردا كوپ. ەكى جۇزگە جۋىق شارۋا قوجالىق يەلەرى 517 گەكتار جەرگە ءبىرىنشى رەت ەگىلگەن داقىلدان 10 مىڭ 379 توننا ءونىم السا، ەكىنشى رەت سەبىلگەن داقىلدىڭ ءونىم كولەمى 3 مىڭ 816 توننانى قۇراعان. جالپى اۋداندا 87 گەكتار جىلىجاي بار.