قازاقستاندىق مەدياتور ماماندار ا ق ش- تا ءبىلىمىن جەتىلدىرمەك

بۇل تۋرالى ق ر باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ حالىقارالىق وقۋ كافەدراسىنىڭ دوتسەنتى مارال الىشيەۆا ءمالىم ەتتى، دەپ حابارلايدى قازاقپارات ءتىلشىسى.

«بىزدە مەدياتور ماماندار شيەلەنىس تۋىنداعان جاعدايعا ءازىر. ەلىمىزدە حالىق اراسىندا ءتۇرلى فورماتتاعى شيەلەنىستەر مەن تۇسىنىسپەۋشىلىك جاعدايلار تۋىنداپ جاتادى. سونىڭ ىشىندە كوپكە ءمالىم، ەلوردادا ءبىر وتباسىنىڭ بەس بىردەي بالاسىنىڭ ورتەنىپ كەتكەنى، سونداي-اق، كوپبالالى انالاردىڭ قارسىلىعى جانە قاراعاندىداعى جاعداي تاعى سول سياقتى. سونداي جاعدايدا ءبىزدىڭ كەلىسسوز جۇرگىزۋشى ماماندار ىسكە كىرىسىپ، ماسەلەنى وڭتايلى شەشۋگە ۇلەستەرىن قوستى. قۋانىشقا وراي، بۇگىندە جاعداي تۇراقتالدى. اتالعان جاعدايدان كەيىن ءبىز ماسەلەنى شەشۋ عانا ەمەس ونىڭ الدىن الۋدى قولعا الدىق. ارينە ەلدە قانداي دا ءبىر شيەلىنىس تۋىنداعاندا ونىڭ ءمان جايىن قاراستىراتىن قۇقىق قورعاۋ ورگاندارى بار. ال كەيبىر شيەلەنىستەر ۇلتارالىق مانگە يە، وسى جاعدايدا ەتنو-مەدياتورلاردىڭ ءرولى ەرەكشە»، - دەدى مارال الىشيەۆا.

ونىڭ ايتۋىنشا، بۇگىندە وتاندىق مامانداردىڭ بىلىكتىلىگى مەن تاجىريبەسىن جەتىلدىرۋ ماسەلەسى كۇن تارتىبىندە تۇر.

«وسى ورايدا ءبىز مەديتور مامانداردىڭ بىلىكتىلىگىن تۇراقتى تۇردە كوتەرىپ وتىرامىز. ياعني شەتەلدىك ۇزدىك تاجىريبەنى مەڭگەرىپ، ماماندارىمىز فەدەرالدىق تەرگەۋ بيۋروسى اكادەمياسىندا ءبىلىمىن جەتىلدىرىپ جاتىر. سونىمەن قاتار ءيزرايلدىڭ ارنايى قىزمەتىندە بولىپ، بىلىكتىلىگىن ارتتىرعان ماماندار دا بار. ودان بولەك، قازىرگى تاڭدا ءبىر توپ ماماندى داعدارىس جاعدايىندا جۇمىس ىستەۋ بىلىكتىلىگىن ارتتىرۋ ماقساتىندا ا ق ش- قا اتتاندىرعالى جاتىرمىز»، - دەيدى ول.

بۇعان دەيىن حابارلاعانىمىزداي، ەلىمىزدە ەتنو-مەدياتسيا ورتالىعىن قۇرۋ جوسپارلانىپ جاتىر.

ايتا كەتەيىك، بۇگىن ەلدوردادا قازاقستان حالقى اسسامبلەياسىندا رەسپۋبليكالىق مەدياتسيا كەڭەسىنىڭ وتىرىسى ءوتتى.

اتالعان شاراعا ق ح ا- نىڭ مۇشەلەرى، قۇزىرلى ورگان وكىلدەرى مەن مەدياتسيالىق ورتالىق وكىلدەرى قاتىستى.