جالعىزباستى اتا- انالاردىڭ قاشىقتان جۇمىس ىستەۋىن زاڭنامالىق تۇرعىدا قاراستىرۋ قاجەت - توقايەۆ
نۇر- سۇلتان. قازاقپارات - جالعىزباسى اتا- انالاردىڭ قاشىقتان جۇمىس ىستەۋ قۇقىعىن زاڭنامالىق تۇرعىدا قاراستىرۋ قاجەت.
بۇل تۋرالى ۇلتتىق قوعامدىق سەنىم كەڭەسىنىڭ 6-وتىرىسىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
ق ر پرەزيدەنتى مەملەكەت ساياساتىنىڭ باسىم باعىتتارىنىڭ ءبىرى انا مەن بالانى قولداۋ ەكەنىنە نازار اۋدارتتى. سونىمەن قاتار ايەل ادامدار بالا كۇتىمىمەن ۇزاق ۋاقىت وتىرعاندا كاسىبي قابىلەتىن تومەندەتىپ الاتىنىن، ءتىپتى جالعىزباستى اتا- انالارعا مۇندايدا ءتىپتى قيىنعا سوعاتىنىن، ولارعا ەرەكشە ەڭبەك جاعدايى جاسالۋى كەرەك ەكەنىن باسا ايتتى.
«ولار ءۇشىن ەرەكشە ەڭبەك جاعدايىن جاساۋ قاجەت. جالعىزباستى اتا- انالاردىڭ قاشىقتان جۇمىس ىستەۋ جانە جۇمىس ىستەۋدىڭ قىسقارتىلعان رەجيمى قۇقىعىن زاڭنامالىق دەڭگەيدە قاراستىرعان ءجون. دامىعان ەلدەردە ءىرى كومپانيالار ءوز كەڭسەلەلەردە بالالار بولمەلەرىن اشىپ جاتادى. مۇنداي تاجىريبە بىزدە دە نورماعا اينالۋى ءتيىس»، - دەدى قاسىم- جومارت توقايەۆ.
مەملەكەت باسشىسىنىڭ اتاپ وتۋىنشە، ول ءۇشىن اتالعان ساناتقا كىرەتىن جۇمىسشىنىڭ مۇددەسىن ەسكەرەتىن جۇمىس رەجيمىن رەتتەۋدىڭ ءتيىمدى تەتىكتەرىن ەنگىزۋ قاجەت. بۇل رەتتە ۇزدىكسىز ەڭبەك پروتسەسىن، سوعان ساي ءوندىرىستى قامتاماسىز ەتۋ دە ماڭىزدى.
اۆتور: مارلان جيەمباي
