اقمولا وبلىسىندا ءسىبىر ەلىگىن اتىپ العان براكونەر ۇستالدى
ۆەدومستۆونىڭ مالىمەتىنشە، بيىلعى جىلعى 14-قاراشادا «نۇر- سۇلتان- پەتروپاۆل» اۆتوجولىنىڭ 291 شاقىرىمىندا «قاۋىپسىز جول» جەدەل- الدىن الۋ ءىس- شاراسىن جۇرگىزۋ شەڭبەرىندە «تۇلپار-10» اقمولا وبلىسى پد پاترۋلدىك پوليتسيا باتالونىنىڭ جاساعى، اعا لەيتەنانت التىنبەك ناكەنوۆ پەن لەيتەنانت ايبەك بالتابەكوۆ «Toyota» اۆتوكولىگىن توقتاتتى.
نۇر- سۇلتان قالاسىنىڭ 37 جاستاعى تۇرعىنى باسقارعان كولىكتىڭ سالونىن تەكسەرۋ كەزىندە ەلىكتىڭ 1 ۇشاسى، تەگىس ۇڭعىلى ءۇش مىلتىق تابىلدى. بۇل رەتتە جۇرگىزۋشى مەن ونىڭ 36 جاستاعى جولاۋشىسىندا ەلىك اتۋعا قانداي دا ءبىر رۇقسات قۇجاتتارى بولماعان.
«بۇل جاعداي قىلمىستىق كودەكستىڭ 337-بابىنىڭ «زاڭسىز اڭشىلىق» بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلدى. جانۋارلاردىڭ ءتۇرى مەن جاسىن انىقتاۋ ءۇشىن سوت- بيولوگيالىق ساراپتاما تاعايىندالدى. قازىرگى ۋاقىتتا ءىس بويىنشا ءىستىڭ بارلىق ءمان- جايلارىن وبەكتيۆتى تەكسەرۋگە باعىتتالعان بارلىق قاجەتتى تەرگەۋ ارەكەتتەرى جۇرگىزىلۋدە»، - دەد ۆەدومستۆودان.
