بيىل ج و و لاردىڭ جاتاقحانالارىنان قانشا ورىن پايدالانۋعا بەرىلدى
نۇر- سۇلتان. قازاقپارات - ۇكىمەت باسشىسى اسقار مامين وقۋ ورىندارىن جاتاقحانامەن قامتاماسىز ەتۋگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
ايتا كەتەيىك، بيىل قازان ايىندا سەناتور اقىلبەك كۇرىشبايەۆ ءوزىنىڭ دەپۋتاتتىق ساۋالىندا اۋىل جاستارىنىڭ جوعارى بىلىمگە قول جەتكىزۋ پروبلەماسىن ايتتى. وندا اگرارلىق ج و و لاردا جاتاقحانالار جەتىسپەيتىنى، بۇل اۋىلدان كەلگەن جانە تۇرمىسى تومەن وتباسىلاردان شىققان ستۋدەنتتەر ءۇشىن تاعى دا قيىنشىلىقتاردى تۋعىزاتىنى ايتىلعان.
«جالپى، جاستاردى قولداۋ ماقساتىندا جاتاقحانالاردا تۇرۋ ءۇشىن جاعداي جاسالۋدا. 2021 -جىلى نىسانالى قۇرىلىس ەسەبىنەن جەرگىلىكتى بيۋدجەت قاراجاتى ەسەبىنەن 10057 توسەك- ورىن، ونىڭ ىشىندە اگرارلىق جوعارى وقۋ ورىندارىندا 750 ورىن پايدالانۋعا بەرىلدى. ت ج ك ب ۇيىمدارى ستۋدەنتتەرىنىڭ % 60 ى جاتاقحاناداعى ورىندارمەن قامتاماسىز ەتىلگەن. سونداي- اق، وقۋ ورىندارىنىڭ ەسەبىنەن ورتا مەرزىمگە جانە ۇزاق مەرزىمگە تۇرعىن ءۇي- جايلاردى (تۇرعىن- ءۇي كەشەندەرى، قوناق ۇيلەرى، حوستەلدەرى) جالعا الۋ تاجىريبەسى ىسكە اسىرىلۋدا»، دەلىنگەن ۇكىمەت باسشىسىنىڭ ساۋالعا بەرگەن جاۋابىندا.
«بۇگىنگى كۇنى وڭىرلەردەگى ت ج ك ب ۇيىمدارىنىڭ ينفراقۇرىلىمى جەتكىلىكتى دامىعاندىعىن ايتا كەتۋ كەرەك. ت ج ك ب ۇيىمدارى جوق اۋدانداردا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان «ەڭبەك» مەملەكەتتىك باعدارلاماسى اياسىندا قۇرىلعان ءموبيلدى وقۋ ورتالىقتارىندا (اقمولا، اقتوبە، شىعىس قازاقستان، قوستاناي، ماڭعىستاۋ وبلىستارىندا) 2017 -جىلدان باستاپ جۇمىسسىز جانە جۇمىسپەن قامتىلماعان 1465 ادام وقىتىلىپ، ونىڭ 1261 ( %84,4 ) جۇمىسقا ورنالاستىرىلدى»، دەپ اتالىپ وتكەن ا. ءماميننىڭ جاۋابىندا.
«بارشاعا ارنالعان تەگىن ت ج ك ب» جوباسى اياسىندا بىلىكتىلىك الۋ ءۇشىن، ونىڭ ىشىندە اۋىل جاستارى ءۇشىن جاعداي جاسالعان (جوبا شەڭبەرىندە 2017 -جىلدان باستاپ 300 مىڭنان استام ستۋدەنت، ونىڭ ىشىندە 150 مىڭ اۋىل جاستارى قامتىلدى) .
