ەلوردادا قوعامدىق كولىك اقىسىن تولەۋدىڭ جاڭا جۇيەسى ەنگىزىلەدى

نۇر-سۇلتان. قازاقپارات - ەلوردادا قوعامدىق كولىك اقىسىن تولەمەي جۇرەتىن جولاۋشىلاردىڭ ۇلەسى بەلگىلى بولدى، دەپ حابارلايدى قازاقپارات ءتىلشىسى.

«ەنگىزىلىپ جاتقان جاڭا جۇيە ارقىلى جولاۋشى ءبىر ساتتە جولاقىسىن تولەي السا، ەكىنشى جاعىنان قوعامدىق كولىك كارتاسىنا بىرلىك جىبەرۋ مۇمكىندىگى بار. وزدەرىڭىز بىلەسىزدەر، وسىعان دەيىن ارنايى قوعامدىق كولىك كارتاسى ارقىلى تولەۋ جۇيەسى بولدى. وعان بىرلىك سالۋ ۇزاققا سوزىلاتىن، ياعني جولاۋشى اقشا سالادى، ءبىراق ول كارتاعا بىردەن تۇسپەيدى. بۇل جۇيە جولاۋشىلار ءۇشىن ىڭعايسىز بولدى. وسى جانە وزگە دە ماسەلەلەردى ەسكەرە وتىرىپ قوعامدىق كولىكتە جولاقىسىن تولەۋدىڭ جاڭا جۇيەسىن ەنگىزىپ جاتىرمىز»، - دەدى City Transportation Systems ج ش س-نىڭ باسقارما ءتوراعاسى بەكمىرزا يگەنبەردينوۆ باسپا ءسوز ءماسليحاتىندا.

ونىڭ ايتۋىنشا، جاڭادان ەنگىزىلەتىن اۆتوبۋس اقىسىن تولەۋ جۇيەسىنىڭ وتاندىق ءونىم بولۋى ماڭىزدى. سونداي-اق، اتالعان مەكەمە باسشىسى جولاقىسىن تولەمەيتىن جولاۋشىلاردىڭ ۇلەسىن ايتىپ ءوتتى.

«جولاقىسىن تولەمەي جۇرەتىندەردىڭ ۇلەسى 10 -15 پايىزدى قۇرايدى»، - دەيدى ول. CTS ۇسىنعان اقپاراتقا سۇيەنسەك، بۇگىندە ەلوردانىڭ قوعامدىق كولىكتەگى جولاۋشىلاردىڭ ورتاشا اعىنى 600 مىڭنان استام ادامدى قۇرايدى. جانە جولاۋشىلار تولەماقىنى 2 جولمەن وتەي الادى.

ءبىرىنشى ارنايى كولىك كارتاسى ارقىلى، ەكىنشى، سمارتفوننىڭ كومەگىمەن QR- كودتى سكانەرلەۋ ارقىلى تولەۋگە بولادى. ودان باسقا، Transcard، Kaspi.kz، Homebank جانە ۇيالى بايلانىس وپەراتورلارىنىڭ قوسىمشالارى ارقىلى دا قوعامدىق كولىك اقىسىن جاساۋ مۇمكىندىگى بار.

ايتا كەتەيىك، بۇگىندە ەلوردادا قوعامدىق كولىك قۇنى 90 تەڭگە تۇرادى جانە باعا سوڭعى 7 جىل بويى وزگەرگەن جوق. بۇعان دەيىن حابارلاعانىمىزداي، نۇر-سۇلتان قالاسىندا قوعامدىق كولىك اقىسىن تولەۋدىڭ جاڭا جۇيەسى ەنگىزىلەدى.

اۆتور: ءالي يبرايەۆ