تۇركىستان وبلىسىندا ۆاكتسينانىڭ جالعان قۇجاتىن جاساعان كۇدىكتى ۇستالدى

قازىعۇرت اۋدانى پوليتسيا بولىمىنە اتىراۋ وبلىسى قۇرمانعازى اۋداندىق پوليتسيا بولىمىنەن قاتىناس حات كەلگەن. وندا قازىعۇرت اۋدانىندا اتىراۋ وبلىسىنىڭ تۇرعىنى ۆاكتسينانىڭ جالعان قۇجاتىن جاساتقاندىعى كورسەتىلگەن. ءتارتىپ ساقشىلارىنىڭ تاراپىنان جۇرگىزىلگەن جەدەل- ىزدەستىرۋ ءىس- شارالارىنىڭ بارىسىندا قىزمەتتىك مۇمكىندىگىن نەگىزسىز پايدالانۋ ارقىلى ءتولقۇجاتتاردى قولدان جاساۋمەن جانە وتكىزۋمەن اينالىسقان قازىعۇرت اۋداندىق اۋرۋحاناسىنىڭ قىزمەتكەرى انىقتالدى. پوليتسەيلەر اتالعان جايتتى ق ك 385-بابى، ياعني «جالعان قۇجاتتاردى، ءمورتابانداردى، مورلەردى، بلانكىلەردى، مەملەكەتتىك پوشتا تولەمى بەلگىلەرىن، مەملەكەتتىك ناگرادالاردى قولدان جاساۋ، دايىنداۋ نەمەسە وتكىزۋ» قىلمىستىق قۇقىق بۇزۋشىلىعى بويىنشا تىركەپ، سوتقا دەيىنگى تەرگەۋ امالدارىنا كىرىستى. قازىرگى تاڭدا وقيعانىڭ تولىق ءمان- جايى انىقتالۋدا.