«ءتورت اعايىندى» ءىسى: ەركىن ءىزباسار ءۇش جىلدان سوڭ بوستاندىققا شىقتى

№2 وسكەمەن قالالىق سوتى بيىل 21-قازان كۇنى شىعىس قازاقستان وبلىستىق ق ا ج د و ۆ-156/20 باستىعىنىڭ ۇسىنىسى بويىنشا جازاسىن وتەۋشى ەركىن ءىزباسارعا قاتىستى ءىستى قارادى. ۇسىنىستا جازاسىن وتەۋشىنىڭ دەنساۋلىعى ناشارلاعانى جازىلعان. قىلمىستىق كودەكستىڭ «اۋرۋعا شالدىعۋىنا بايلانىستى جازادان بوساتۋ» بابىنا سۇيەنسەك، ءومىر بويىنا باس بوستاندىعىنان ايىرۋدان باسقا، جازانى وتەۋگە كەدەرگى جاسايتىن وزگە دە اۋىر ناۋقاستان زارداپ شەگۋشى ادامدى سوت جازانى وتەۋدەن بوساتادى نەمەسە ناۋقاسىنىڭ سيپاتى، جاسالعان قىلمىستىق قۇقىق بۇزۋشىلىقتىڭ اۋىرلىعى، سوتتالعان ادامنىڭ جەكە باسى جانە باسقا دا ءمان- جايلار ەسكەرىلە وتىرىپ، جازا نەعۇرلىم جەڭىل جازا تۇرىمەن اۋىستىرىلۋى مۇمكىن.

«سوت ارنايى مەديتسينالىق كوميسسيانىڭ قورىتىندىسىن، سوتتالۋشىنىڭ دەرتىنىڭ اۋىرلىعىن، تاراپتاردىڭ پىكىرلەرىن ەسكەرە وتىرىپ، سوتتالعان ءى. - ءدىڭ دەنساۋلىعىنىڭ قالپىنا كەلۋىنە دەيىن بوساتتى. سوتتالعان ادامنىڭ مىنەز- قۇلقىن باقىلاۋ ۇكىمدى ورىندايتىن ورگانعا جۇكتەلەدى. قازىرگى ۋاقىتتا قاۋلى كۇشىنە ەندى»، - دەپ حابارلادى №2 وسكەمەن قالالىق سوتىنىڭ باسپا ءسوز قىزمەتى.

ايتا كەتەيىك، 2018 -جىلى سوت ۇكىمىمەن ەركىن ءىزباسار 12 جىلعا سوتتالىپ، قىلمىسپەن تاپقان مۇلكى تاركىلەندى. ال ونىڭ جانىندا جۇرگەن اۋحات قاليەۆ 11 جىلعا، سول جىلدارى وبلىستىق ءى ءى د باستىعىنىڭ ورىنباسارى قىزمەتىن اتقارعان راحات احانوۆ 5 جىل 3ايعا سوتتالدى. بۇرىنعى پوليسيا قىزمەتكەرى ءومىر بويى قۇقىق قورعاۋ ورگاندارىندا جۇمىس ىستەي المايدى، پوليسيا پولكوۆنيگى شەنىنەن ايىرىلدى.