اماندىق باتالوۆ كومىرگە بارعان ايەل نەگە جۇك تيەگىشكە ءمىنىپ العانىن ايتتى

نۇر-سۇلتان. قازاقپارات - الماتى وبلىسىنىڭ اكىمى اماندىق باتالوۆ فرونتالدى جۇك تيەگىشتىڭ كۇرەگىنە وتىرىپ العان ايەلدىڭ ۆيدەوسىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«سارىوزەكتە ايەل ادامنىڭ جۇك تيەگىشتىڭ كۇرەگىنە ءمىنىپ العان ۆيدەوعا توقتالسام، كەيىننەن بۇل جاعدايدى «الماتى وبلىسىندا كومىر تاپشىلىعىنان ادامدار وسىندايعا بارىپ جاتىر» دەپ تاراتتى. وسى وقيعانىڭ ءمان-جايىن ەگجەي-تەگجەيلى انىقتادىم. اتالعان ايەل ول جەردە بۇرىننان جۇمىس ىستەيدى ەكەن، بيزنەسپەن اينالىسادى. ونىڭ ءۇش جۇك كولىگى بار جانە سول جەردەن العان كومىرگە اقشانى ۇستەمەلەپ قوسىپ، تۇرعىندارعا قايتا ساتادى»، - دەدى ا. باتالوۆ ورتالىق كوممۋنيكاتسيالار قىزمەتىندە.

وسى ورايدا ول سالىق ورگاندارى مەن پوليتسياعا ءتيىستى تاپسىرما بەرگەنىن ايتتى. ولار كومىردى الىپ-ساتۋمەن اينالاسىپ، وسىلاي تابىس جاساپ ءجۇر.

«ناتيجەسىندە، كومىر تاپشى دەپ كورسەتتى. سول كۇنى بىزدە 10 ۆاگون جۇكتى تۇسىرۋگە كەلدى، ال 20 سى جاقىنداپ قالعان ەدى. بىزدە ءار ۆاگون نومىرلەنگەن، اكىمدىك ادامدارى ونى ەرەكشە باقىلاۋدا ۇستاپ تۇر»، - دەدى وبلىس اكىمى.

ەسكە سالا كەتەيىك، بيىل قازان ايىنىڭ سوڭىندا الماتى وبلىسىندا كومىر الۋ ءۇشىن كولىكتىڭ فرونتالدى جۇك تيەگىشتىڭ كۇرەگىنە ءمىنىپ العان ايەلدىڭ ارەكەتىنە اكىمدىك تۇسىنىك بەردى.

كەربۇلاق اۋدانىنداعى سارىوزەك اۋىلىنىڭ تۇرعىنى كومىرگە الۋعا كەلىپ جۇك تيەگىشتىڭ كۇرەگىنە ءمىنىپ العان ايەلدىڭ ۆيدەوسى جەلىگە تاراعان بولاتىن.

ول كومىردى جۇك كولىگىنىڭ بورتىنا توگىپ جاتقاندا دا تيەگىشتەن تۇسپەگەن.