اقتاۋدا سۋىققا ءتوزىمدى پالما وسىرىلە باستادى
«بۇل ەڭ الدىمەن سوڭعى جىلدارى كليمات وزگەرۋىنىڭ بايقالا باستاۋىمەن بايلانىستى. كليمات كورسەتكىشتەرىنە جۇرگىزىلگەن ساراپتاما ناتيجەسىنە سايكەس، سوڭعى 10 جىلدا ماڭعىستاۋدا جىلدىڭ 286 كۇنىندە ورتاشا تەمپەراتۋرا 10+ گرادۋس بولىپ تۇر. كليماتتىڭ مۇنداي كورسەتكىشى ماڭعىستاۋدا جىلىنى جاقسى كورەتىن وسىمدىك تۇرلەرىن جەرسىندىرۋگە مۇمكىندىك بەرەدى دەگەن پايىم بار»، - دەلىنگەن اتالعان باقتىڭ Facebook پاراقشاسىندا جاريالانعان اقپاراتتا.
قازىرگى ۋاقىتتا باق انار، ءزايتۇن، لاۆر، تەمىر اعاش، ماگنوليا، گۇلشەتەن سىندى سۋبتروپيكالىق وسىمدىكتەردى جەرسىندىرۋ سىناعىن جۇرگىزىپ جاتىر.
«بۇعان قوسا، باقتا قىستا 10- گرادۋسقا دەيىنگى تەمپەراتۋراعا ءتوزىمدى پالمانىڭ ءۇش ءتۇرى سىنالۋدا. بيىل 12 كوشەتتىڭ ەكەۋى عانا قىستى كۇنى شىقپاي قالدى. قالعاندارى ءوسىپ تۇر. ەكسپەريمەنتتىك جۇمىس جالعاسۋدا»، - دەلىنگەن ب ا ق مالىمەتىندە.
