ا ق ش-تىڭ ون شتاتى بايدەن اكىمشىلىگىن سوتقا بەردى
نۇر-سۇلتان. قازاقپارات – ا ق ش-تىڭ ون شتاتى بايدەن اكىمشىلىگىن مەديتسينا قىزمەتكەرلەرىن ۆاكسينالاۋ مانداتىنا بايلانىستى سوتقا بەردى، - دەپ حابارلايدى Tengrinews.kz ءتىلشىسى Reuters-كە سىلتەمە جاساپ.
ميسسۋري، نەبراسكا، اركانزاس، كانزاس، ايوۆا، ۆايومينگ، الياسكا، وڭتۇستىك داكوتا، سولتۇستىك داكوتا جانە نيۋ-گەمپشير شتاتتارىنىڭ باس پروكۋرورى ا ق ش-تىڭ سەنت- لۋيستاعى ميسسۋريدىڭ شىعىس وكرۋگى بويىنشا وكرۋگتىك سوتىنا بىرلەسىپ شاعىم ءتۇسىردى.
ون شتاتتىڭ باس پروكۋرورى - رەسپۋبليكاشىلدار بايدەن اكىمشىلىگىنىڭ ميلليونداعان ا ق ش مەديتسينا قىزمەتكەرىن كوروناۆيرۋسقا قارسى ۆاكسينالاۋ تالابى جۇمىس كۇشى تاپشىلىعىن كۇشەيتەتىنىن مالىمدەدى.
ارىز اق ءۇي باسشىسى دجو بايدەن مەديتسينا قىزمەتكەرلەرىنە ەكپە سالۋ مانداتى 4-قاڭتاردا كۇشىنە ەنەتىنىن ايتقاننان كەيىن تۇسكەن.
«دەنساۋلىق ساقتاۋ مەكەمەلەرى مەن قىزمەتكەرلەرگە قوسىمشا ماندات بەرۋ بۇل پروبلەمانى كۇشەيتەدى جانە كەيبىر نىسانداردىڭ، اسىرەسە قىزمەت كورسەتىلمەيتىن اۋىلدىق جەرلەردە جابىلىپ قالۋىنا اكەلۋى مۇمكىن»، - دەدى كانزاس باس پروكۋرورى دەرەك شميدت.
Medicare جانە Medicaid ورتالىقتارى (CMS) ا ق ش اۋرۋحانالارىنىڭ 41 پايىزى قىزمەتكەرلەرىنەن ۆاكسيناتسيادان ءوتۋ سۇرالعانىن جانە بۇل مانداتتىڭ بارلىق دەنساۋلىق ساقتاۋ مەكەمەسىنە قولدانىلۋى قىزمەتكەرلەردىڭ باسقا مەكەمەدەن جۇمىس ىزدەۋگە بولمايتىندىعىنا كەپىلدىك بەرەدى دەپ مالىمدەدى.
بۇعان دەيىن ا ق ش- تىڭ اۋرۋلاردى باقىلاۋ جانە الدىن الۋ ورتالىقتارى (CDC) يممۋنيتەتى تومەن ادامدارعا كوروناۆيرۋسقا قارسى ۆاكسينانىڭ ءتورتىنشى دوزاسىن ەنگىزۋگە رۇقسات بەرگەن بولاتىن.
