ۆاكسيناتسيا جۇكتى ايەلدەر ءۇشىن قاۋىپتى مە؟
الماتى. قازاقپارات - «كوميرناتي» (Pfizer، ا ق ش) م ر ن ك- ۆاكسيناسى جۇكتى ايەلدەر ءۇشىن قاۋىپتى ەمەس.
بۇل تۋرالى بريفينگ بارىسىندا الماتى قالاسى قوعامدىق دەنساۋلىق باسقارما باسشىسىنىڭ ورىنباسارى سۆەتلانا سۇلتانعازيەۆا ايتتى، دەپ حابارلايدى قازاقپارات ءتىلشىسى.
سپيكەردىڭ سوزىنشە، الەمنىڭ 20 دان استام ەلى جاڭادان بوسانعان ايەلدەرگە ەكپە سالۋدى باستادى.
«جۇكتى ايەلدەر دە ەكپە الۋى كەرەك. ەۋروپادا جۇكتى ايەلدەردى ۆاكسيناتسيالاۋ بويىنشا كوپتەگەن كلينيكالىق زەرتتەۋلەر جۇرگىزىلدى جانە رەسەيدە زەرتتەدى. بىزدە كوروناۆيرۋس ينفەكسيانىڭ اياسىندا جۇكتىلىك كەزىندە ءارتۇرلى جاعىمسىز سالدار مەن اسقىنۋلارعا ۇشىراعان ايەلدەردىڭ بەلگىلى ءبىر سانى بار ەكەنىن كورىپ وتىرمىز. سوندىقتان، كلينيكالىق زەرتتەۋلەرگە سۇيەنە وتىرىپ، 16 اپتادان 38 اپتاعا دەيىنگى ارالىقتا ۆاكسيناتسيالاۋدى ۇسىنامىز. ۆاكسينانىڭ ءبىرىنشى جانە ەكىنشى كومپونەنتتەرىمەن. ۆاكسيناتسيا جۇكتى ايەلدەر ءۇشىن قاۋىپتى ەمەس»، - دەدى الماتى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا سۇلتانعازيەۆا.
سونىمەن قاتار، ول ەكپەدەن كەيىن انا مەن بالادا يممۋنيتەت قالىپتاسىپ، اۋرۋ قاۋپى تومەندەيتىنىن اتاپ ءوتتى.
