نۇر-سۇلتاندا «كوك» ستاتۋسى بارلار ازىرشە ساۋدا ورتالىقتارىنا كىرە الادى
«قازىرگى ۋاقىتتا نۇر-سۇلتان قالاسىنىڭ باس سانيتاريا دارىگەرىنىڭ بۇل نورما بويىنشا قاۋلىسى ءالى شىققان جوق. ول شىعارىلا سالىسىمەن ساۋدا ورتالىعىنا جۇمىس كۇندەرى دە «كوك« ستاتۋسى بار كەلۋشىلەر ءۇشىن شەكتەۋ قويىلادى. Ashyq جۇيەسىندە دەمالىس كۇندەرى سياقتى، ياعني جۇمىس كۇندەرى كىرۋ «جاسىل« مارتەبەسى بولعان جاعدايدا، ياعني ۆاكسيناتسيا، پ ت ر- انىقتاماسى تەرىس بولعان كەزدە، سىنامالار الىنعان ساتتەن باستاپ 7 تاۋلىكتەن اسىرماي جانە تۇراقتى مەديتسينالىق قارسى كورسەتىلىمدەرى بار، سوڭعى 3 اي ىشىندە اۋىرىپ جازىلعان ادامدار ءۇشىن مۇمكىن بولادى»، - دەدى نۇر- سۇلتان اكىمدىگىنىڭ باسپا ءسوز قىزمەتى وكىلدەرى.
ايتا كەتەيىك، ەپيدەميولوگيالىق احۋالدىڭ تۇراقتىلىعىن ساقتاۋ جانە كوروناۆيرۋستىڭ ودان ءارى تارالۋىنىڭ الدىن الۋ ءۇشىن 8-قاراشادان باستاپ ساۋدا ويىن-ساۋىق ورتالىقتارىنا جۇمىس كۇندەرى دە «جاسىل» مارتەبەسى بارلار عانا كىرە الاتىنى تۋرالى شەكتەۋ 8-قاراشادان باستاپ ىسكە قوسىلۋى كەرەك بولاتىن.
