قوستانايدا كولىگىنە جالعان ءنومىر تاققان اۋداندىق پوليتسيا باستىعى جۇمىستان كەتتى
قوستاناي. قازاقپارات - قوستاناي وبلىسىنىڭ سارىكول اۋدانىندا پوليتسيا ءبولىمىنىڭ باستىعى قايرات ءابدىقالىقوۆ جالعان ءنومىرى بار جۇمىس كولىگىن پايدالانعانى ءتۇسىپ قالعان ۆيدەودان كەيىن وتستاۆكاعا كەتتى، دەپ حابارلايدى قازاقپارات ءتىلشىسى.
اتالعان فاكتىگە قاتىستى قوستاناي وبلىسى پوليتسيا دەپارتامەنتىنىڭ باسپا ءسوز قىزمەتى تۇسىنىك بەردى. ۆەدومستۆودا حابارلاعانداي، ق ر ءى ءى م- دە پوليتسيانى رەفورمالاۋ اياسىندا باستى باسىمدىق بەلگىلەنگەن. ول - جەكە قۇرام اراسىندا زاڭدىلىق پەن ءتارتىپتى ساقتاۋ.
«Youtube -تە جاريالانعان ۆيدەو بويىنشا قوستاناي وبلىسىنىڭ پ د سارىكول اۋدانىنىڭ پوليتسيا ءبولىمىنىڭ باستىعى قايرات ءابدىحالىقوۆتىڭ زاڭسىز ارەكەتى تۋرالى قىزمەتتىك تەرگەۋ جۇرگىزىلدى. مەملەكەتتىك قىزمەتشىنىڭ ادەپ كودەكسىنىڭ تالاپتارىن بۇزعانى ءۇشىن سارىكول اۋداندىق پ ب پوليتسيا قىزمەتكەرلەرى قاتاڭ تارتىپتىك جاۋاپقا تارتىلدى»، - دەپ حابارلادى پوليتسيا اگەنتتىك تىلشىسىنە.
سونىمەن قاتار، جۇرگىزۋشىنى اكىمشىلىك جاۋاپقا تارتۋ ءۇشىن ماتەريال قوستاناي وبلىسى پ د جەرگىلىكتى پوليتسيا قىزمەتى باسقارماسىنا جولداندى.
«وسىدان كەيىن سارىكول اۋدانىنىڭ پوليتسيا باستىعى قايرات ءابدىحالىقوۆ قىزمەتىنەن بوساتۋ تۋرالى بايانات جازدى»، - دەپ تولىقتىردى پوليتسيا دەپارتامەنتىنىڭ باسپا ءسوز قىزمەتى.
: اۆتور: اياۋلىم التىنبەك
