بەسىنشى سىنىپتىڭ وقۋشىلارى تارتىپ ءجۇر: ءماسليحات دەپۋتاتى ەلەكتروندى تەمەكى تۋرالى

«ءبىلىم باسقارماسى مەن پوليتسيا دەپارتامەنتىنىڭ بىرگە نازار اۋدارۋىن سۇرايمىن، قازىر ەلەكتروندى شىلىمعا قاتىستى ۇلكەن ماسەلە تۋىندادى. بۇل ءبىزدىڭ قوعامنىڭ قازىرگى ناقتى ماسەلەسى. جوعارى سىنىپ وقۋشىلارى تەمەكى شەگەدى دەپ ايتپاي- اق قويايىن، قازىر بەسىنشى سىنىپ وقۋشىلارى دا تارتاتىن بولعان. ولار بارلىق جەردە ساتىلادى، اكسيزدەلمەيدى - كەز كەلگەن ادامعا ساتىلا بەرەدى. وعان ءبىر شارا قولدانايىق! مۇلدەم تىيىم سالۋ كەرەك دەپ ايتپايمىن، ساتىلا بەرسىن، ءبىراق ونى تەمەكى ونىمدەرىنە تەڭەستىرىپ، 21 جاستان اسقاندارعا عانا بەرىلۋى كەرەك. بۇلاي جالعاسا بەرۋگە بولمايدى!»، - دەدى ەرلان قاناليموۆ ءماسليحاتتىڭ تۇراقتى كوميسسياسىنىڭ وتىرىسىندا.

«ءبىز تۇتاس بۋىندى ۋلاندىرىپ وتىرمىز. ولار قازىر سالدارىن ويلاماۋى مۇمكىن، زيانى جوق دەپ ويلايدى، ءبىراق بەدەۋلىك سەكىلدى كوپتەگەن ماسەلەگە اكەلۋى مۇمكىن. بۇل ءبىزدىڭ ۇرپاعىمىز. ەندى نە ىستەۋ كەرەك؟ قانداي جولدارى بار؟ وسى ماسەلە بويىنشا سىزدەرمەن بىرگە شەشىم قابىلدايىق»، - دەدى ەرلان قاناليموۆ.

قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ دەپۋتاتتىڭ ۇسىنىسىن قابىلدادى جانە ۆەدومستۆونىڭ بۇل ماسەلەنى سانيتارلىق- ەپيدەميولوگيالىق قاداعالاۋعا جەتكىزەتىنىن ايتتى.

اۆتور: ايجان سەرىكجان قىزى