قازاق سپورتشىنىڭ جەكپە-جەگى وكتاگون ىشىندەگى جاپپاي تارتىپسىزدىككە ۇلاستى - ۆيدەو

نۇر-سۇلتان. قازاقپارات – ارالاس جەكپە-جەك شەبەرى قازاقستاندىق مۇراتبەك قاسىمباي Hype Fighting Championship گران-پريىنىڭ فينالىنا شىعا المادى، دەپ حابارلايدى Vesti.kz.

جارتىلاي فينالدا مۇرات ءازىربايجاندىق ەميل نوۆرۋزوۆپەن كەزدەستى. جەكپە-جەك جوسپارلانعان ءۇش راۋند ءوتتى.

ايقاس اياقتالا سالىسىمەن سەگىز بۇرىشقا ەكى سپورتشىنىڭ دا كوماندالاستارى شىعىپ، كوپ ۇزاماي جانجالداسىپ قالدى. ءتىپتى كورەرەمەندەر دە وكتاگونعا كىرىپ كەتتى، الايدا، ءبارى توبەلەسسىز اياقتالدى.

تورەشىلەر شەشىمى بويىنشا نوۆرۋزوۆ جەڭىسكە جەتتى. بۇل مۇراتتىڭ نارازىلىعىن تۋدىردى. الايدا تورەشىلەر شەشىمدى وزگەرتكەن جوق.