قازاقستاندا رەسەي نومىرىمەن جۇرگەن اۆتوموبيلدى قالاي تىركەۋگە بولادى؟
نۇر-سۇلتان. قازاقپارات - ەلىمىزدە رەسەيلىك كولىكتەردى تىركەۋ ەرەجەسى ءتۇسىندىرىلدى، دەپ حابارلايدى قازاقپارات ءتىلشىسى.
«رەسەيلىك اۆتوموبيلدى تىركەۋ ءۇشىن الدىمەن حالىققا قىزمەت كورسەتۋ ورتالىعىنا بارۋ كەرەك. ول جەردەن قۇجاتتار ءتىزىمىن الىپ، كولىكتى تىركەۋ ەرەجەسىنە ساي، ءتيىستى قۇجاتتاردى ازىرلەپ ح ق و- نا تاپسىرۋى كەرەك. ەرەجە بارلىق كولىككە ورتاق، ياعني قازاقستاندىق كولىك بولسىن، رەسەيلىك بولسىن - تىركەۋ ەرەجەسى بارىنە بىردەي. كولىكتى تىركەۋ - بارلىق ەلدە بار پروتسەسس، ەگەر قازاقستان ازاماتى شەتەلدە تۇرسا، ول ەلدە كولىگىن تىركەۋى ءتيىس. ال رەسەيدەن كولىك اكەلۋشىلەردىڭ دەنى تىركەۋ ەرەجەسىن ساقتاماي وتىر. ونداي جاعدايدا كولىكتى جۇرگىزۋگە تىيىم سالىنىپ، اۆتوموبيل ايىپپۇل تۇراعىنا قويىلادى»، - دەدى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ مينيسترلىكتە وتكەن باسپا ءسوز ءماسليحاتىندا.
ونىڭ ايتۋىنشا، ەلىمىزدە كولىكتى تىركەۋ پروتسەسى بار-جوعى 2 ساعات ۋاقىت الادى. جانە ەشقانداي قاعازباستىلىق جوق.
بۇعان دەيىن ءى ءى م وكىلى رەسەيدە تىركەلگەن اۆتوكولىك يەلەرىنىڭ جينالۋىنا قاتىستى تۇسىنىك بەرگەن ەدى.
