ب ا ق ماڭىزدى قوعامدىق ينستيتۋت رەتىندە مويىندالۋى كەرەك - تامارا كالەيەۆا
نۇر-سۇلتان. قازاقپارات - «ءادىل ءسوز» ءسوز بوستاندىعىن قورعاۋ حالىقارالىق قورىنىڭ پرەزيدەنتى تامارا كالەيەۆا ب ا ق سالاسىنىڭ زاڭنامالىق دامىتۋ بويىنشا بىرنەشە ۇسىنىس ايتتى، دەپ حابارلايدى قازاقپارات ءتىلشىسى.
«10 ۇكىمەتتىك ەمەس ۇيىم ءوز تىلەكتەرىن ءبىلدىرۋ ءۇشىن وسى شاراعا كەلىپ وتىر. ب ا ق- پەن جۇمىس بويىنشا بىزدە ۇلكەن تاجىريبە بار. ونىڭ ىشىندە جاعىمسىز تاجىريبە دە بار. ءبىز ۇكىمەتكە تۇجىرىمدامالىق جانە ەگجەي-تەگجەيلى ۇسىنىستارىمىزدى جەتكىزگىمىز كەلەدى. اتاپ ايتقاندا، جاڭا زاڭدا، ول قالاي اتالسا دا، ءسوز بوستاندىعىنىڭ كەپىلدىكتەرى ناقتى بەلگىلەنۋى كەرەك. ازىرگە بۇل ۇعىم بىزدە تەك كونستيتۋتسيادا عانا كورسەتىلگەن. ال قولدانىستاعى ب ا ق تۋرالى زاڭدا ەكى رەت قانا كەزدەسەدى. ءسوز بوستاندىعى بويىنشا كەپىلدىكتەر ناقتى بولۋى كەرەك جانە ولار ناقتى نورمالار قولداۋى كەرەك»، - دەدى تامارا كالەيەۆا ەلوردادا ءوتىپ جاتقان بۇقارالىق مەديانى زاڭنامالىق رەتتەۋ تۋرالى كونفەرەنسيا الدىندا.
ول ب ا ق تۋرالى زاڭنامانىڭ حالىقارالىق ستاندارتتارعا ساي بولۋى ماڭىزدى ەكەنىن جەتكىزدى.
«ءبىز ب ا ق تۋرالى زاڭنىڭ حالىقارالىق ستاندارتتارعا سايكەس كەلۋىن قالايمىز. قازىر بۇل كورسەتكىش %50 دىڭ اينالاسىندا دەۋگە بولادى. ەسەپكە الۋ جانە باقىلاۋ ماسەلەسىنە كەلسەك، ءبىز جۋرناليستەردىڭ قۇقىعىن قورعاعىمىز كەلەدى. ءبىز ب ا ق- تىڭ مەملەكەتكە قاجەتتى ماڭىزدى قوعامدىق ينستيتۋت رەتىندە مويىندالعانىن قالايمىز»، - دەدى حالىقارالىق قوردىڭ پرەزيدەنتى.
ول وسى بويىنشا سالانى رەتتەۋشى مەملەكەتتىك ورگانعا ناقتى ۇسىنىستار جولداناتىنىن ايتتى.
«ب ا ق- تى تىركەۋ، ب ا ق- قا ارنالعان مەملەكەتتىك تاپسىرىستى ءبولۋ، مەملەكەتتىك اقپاراتتىق ساياساتقا قاتىستى ناقتى ۇسىنىستار دا بار. ءىس-شارا قورىتىندىسى بويىنشا ۇسىنىستار جوباسى جاسالادى»، - دەپ تۇيىندەدى تامارا كالەيەۆا.
