جايىق وزەنىنىڭ تاعدىرى قالاي شەشىلەدى - ۇكىمەت جاۋابى

«جايىق وزەنىنىڭ ەكولوگيالىق جاعدايى ۇكىمەتتىڭ ەرەكشە باقىلاۋىندا. سوڭعى جىلدارى جاۋىن- شاشىن كولەمىنىڭ ازدىعىنا بايلانىستى جايىقتىڭ جاعدايى قيىنداپ بارادى. سونداي- اق، ساعىز، ويىل، جەم وزەندەرىنىڭ سۋى دا تارتىلىپ بارادى. وسى ورايدا اتالعان ماسەلەنى شەشۋ ءۇشىن ءتيىستى شارالار قابىلدانادى»، - دەپ جاۋاپ قاتتى رومان سكليار جايىق وزەنىنىڭ تاعدىرىنا قاتىستى دەپۋتاتتىق ساۋالعا.

ۇكىمەت باسشىسىنىڭ ورىنباسارى جايىق وزەنىن ەرەكشە مەملەكەتتىك قورعاۋعا الۋعا قاتىستى پىكىر ءبىلدىردى.

«سوڭعى ۋاقىتتا جايىق وزەنىن مەملەكەتتىڭ ەرەكشە قورعاۋىنا الۋ ماسەلەسى ءجيى قوزعالىپ ءجۇر. وسى تۇستا وزەننىڭ نەگىزگى اعىسى جايىقتىڭ جوعارى بولىگىندە، ياعني رەسەي فەدەراتسياسى جاعىنا تيەسىلى ەكەنىن ايتىپ وتكەن ءجون. جايىق وزەنى باسسەينىندەگى سۋ شارۋاشىلىعى سالاسىن ۇيلەستىرۋ 1996 -جىلعى 20- ماۋسىمداعى ترانسشەكارالىق سۋ نىساندارىن قولدانۋ جانە قورعاۋ تۋرالى ورتاق حاتتاماعا سايكەس انىقتالعان. % 50 قامتاماسىز ەتۋ - 7,79 تەكشە مەتر، % 75 قامتۋ - 5,360 تەكشە مەتر جانە % 95 قامتاماسىز ەتۋ - 2,97 تەكشە مەتر»، - دەيدى ول.

دەپۋتاتتىق ساۋالعا بەرىلگەن جاۋاپتا ايتىلعانداي، 2017-2020 -جىلدارى جايىق وزەنىنىڭ جىلدىق اعىسى 10,6 تەكشە مەتردەن 4,5 تەكشە مەترگە دەيىن ازايعان.

«سوعان قاراماستان جايىق وزەنىنىڭ جىل سايىنعى سۋدىڭ جينالۋى 0,5 تەكشە مەتردى قۇرايدى. سوندىقتان دا جايىق وزەنىن ەرەكشە مەملەكەتتىك قورعاۋعا الۋ ماسەلەسى رەسەيمەن ەكىجاقتى قاراستىرىلىپ جاتىر. ال وزەننىڭ سۋ شارۋاشىلىق جاعدايى مەن ەكولوگيالىق جۇيەسىن شەشۋ قازاقستان- رەسەي اراسىنداعى 2021-2024 -جىلدارعا ارنالعان ترانسشەكارالىق سۋ نىساندارىن قولدانۋ جانە قورعاۋ تۋرالى ىنتىماقتاستىق باعدارلاماسى اياسىندا شەشىلەدى»، - دەدى ر. سكليار.

اۆتور: ءالي يبرايەۆ