مەكتەپتەردە جىنىستىق تاربيە بويىنشا جۇمىس ىستەۋ كەرەك – ءى ءى م باسشىسى

بۇل تۋرالى Tengrinews.kz حابارلايدى.

«وسىنداي قىلمىستاردىڭ كوبەيۋىنە كەلەتىن بولساق. بۇل وبەكتيۆ سەبەپ، ءبىر جارىم جىلدان بەرى پاندەميا جاعدايىندا بولدىق. بالالار وقۋ ورىندارىنا بارمادى. قىلمىستىڭ 60 پايىزى وتباسىلىق- تۇرمىستىق جاعدايدا جاسالعان. زورلاۋشىلاردىڭ 20 پايىزى اكەلەرى، وگەي اكەلەرى، سونداي-اق ولاردىڭ اناسىمەن بىرگە تۇراتىن ازاماتتىق نەكەدەگى ەر ادامدار، 50 پايىزى جابىرلەنۋشىلەردىڭ تۋىستارى»، - دەدى تۇرعىمبايەۆ.

ءمينيستردىڭ ايتۋىنشا، زورلىق- زومبىلىق ماسەلەسى وتباسىندا، قورشاعان ورتادا ادامگەرشىلىك قاسيەتتەر تومەندىگىنەن، سونداي-اق تۇرمىستىق تاربيەنىڭ السىزدىگىنەن تۋىنداپ وتىر.

«ءتىپتى وسىعان بايلانىستى، ىشكى قايتا ءبولۋ ارقىلى كامەلەتكە تولماعاندار ءىسى جونىندەگى ينسپەكتورلار شتاتىن جەدەل تۇردە ەكى ەسەگە جۋىق ۇلعايتتىق. 7 مىڭ وتباسى تىركەۋدە تۇر، وندا 12 مىڭ كامەلەتكە تولماعان بالا تۇرادى. بۇل سەكسۋالدىق زورلىق- زومبىلىق قىلمىستارى ىقتيمال نىساندار»، - دەپ قوستى ءىىم باسشىسى.

ەرلان تۇرعىمبايەۆتىڭ ايتۋىنشا، تاعى ءبىر سەبەپ - بالالاردىڭ جىنىستىق تاربيەسىنىڭ ناشارلىعى.

«زارداپ شەككەندەردىڭ 30 پايىزى ءوزارا كەلىسىم بويىنشا جىنىستىق قاتىناسقا تۇسكەن. بۇل كامەلەتتىك جاسقا تولماعاندار. مىسالى، دەنساۋلىق ساقتاۋ باسقارماسى ارقىلى 70 فاكت انىقتادىق. ياعني، جۇكتىلىكتىڭ ەرتە كەزەڭىندە بولىمدەر پوليتسياعا 13-14 جاستاعى قىزدار وسىنداي جاعدايعا تاپ بولعانىن حابارلادى. وسى جەردە بالالاردى تەك مەكتەپتەردە عانا ەمەس، الەۋمەتتىك جەلىلەردە دە جىنىستىق تاربيە بەرۋ بويىنشا قوعاممەن بىرلەسىپ جۇمىس ىستەۋ كەرەك دەگەن سۇراق تۋىندايدى»، - دەپ قوستى ىشكى ىستەر ءمينيسترى.