«كانەلو» گولوۆكينمەن ايقاسقا نيەتتى ەكەنىن مالىمدەدى
- مەن ءۇشىن تاعى ءتورت جەكپە- جەك - قالىپتى. ءۇش- ءتورت ايقاس وتكىزۋگە دايىنمىن. مەن ەركىن اگەنتپىن، سوندىقتان ۇزدىك جەكپە- جەكتەرگە قاتىسقىم كەلەدى، - دەدى الۆارەس. سونداي- اق «كانەلو» ورتا سالماقتاعى IBF جانە IBO بەلبەۋلەرىنىڭ يەگەرى گەننادي گولوۆكينمەن ءۇشىنشى جەكپە- جەك وتكىزۋ مۇمكىندىگىن دە باعالادى.
- مەن گولوۆكينمەن جۇدىرىقتاسقىم كەلەدى. ەگەر ول سۋپەر ورتا سالماققا اۋىسۋعا دايىن بولسا، مەن دە دايىنمىن. ءارقاشان. ءابسوليۋتتى چەمپيون بولۋ وڭاي ەمەس. مىقتىلارمەن ايقاسۋعا ءارقاشان دايىنمىن، - دەپ قوستى ول.
ساۋلدىڭ گولوۆكينمەن 2017 -جىلدىڭ قىركۇيەگىندەگى العاشقى جەكپە- جەگى تەڭ اياقتالدى. تۋرا ءبىر جىلدان كەيىن وتكەن قارىمتا كەزدەسۋدە مەكسيكالىق تورەشىلەردىڭ باسىم بولىگىنىڭ شەشىمىمەن جەڭىسكە جەتتى. الۆارەس پلانتتى 11-راۋندتا جەڭىپ، سۋپەر ورتا سالماق تاريحىنداعى العاشقى الەم چەمپيونى اتاندى.
