ەلورداداعى كىشى تالدىكولدەن ءولى اققۋ تابىلدى
نۇر- سۇلتان. قازاقپارات - ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار الەمى كوميتەتىنىڭ باسپا ءسوز قىزمەتى نۇر- سۇلتان قالاسىنداعى كىشى تالدىكول اۋماعىنان تابىلعان ءولۋ اققۋ تۋرالى تۇسىنىك بەردى، دەپ حابارلايدى قازاقپارات ءتىلشىسى.
الەۋمەتتىك جەلىدە كىشى تالدىكولدەن ءولى اققۋ تابىلعانى تۋرالى ۆيدەو تاراعان بولاتىن. كادر سىرتىنداعى داۋىس ءولى اققۋدىڭ جانىندا تاس كەسەكتەرى جاتقانىن، ولاردىڭ مۇزدىڭ بەتىندە جاتقانىنا قاراپ، اققۋدى تاسپەن اتقان بولۋى كەرەك دەگەن بولجام ايتادى.
جانۋارلار الەمىنە جاۋاپتى مامانداردىڭ ايتۋىنشا، ءولى اققۋدىڭ دەنەسىندە قاستاندىق بەلگىلەرى بولماعان جانە ول ەپيزووتيكالىق قاۋىپسىزدىك شارالارى بويىنشا زالالسىزداندىرىلعان.
«كەشە اقمولا اۋماقتىق ينسپەكسياسىنىڭ ينسپەكتورى داستان احمەتوۆ پەن جاسىل بەلدەۋدى دامىتۋ جانە پروفيلاكتيكالىق دەزينفەكسيا ءبولىمىنىڭ باسشىسى ا. س. جاڭاتايەۆ «استانا ورمانى» ينسپەكتورلارىمەن بىرگە قوقيقاز ىزدەۋ كەزىندە وزەننەن ءولى اققۋدى تاپتى. ماماندار ءولى قۇستى تەكسەرۋ كەزىندە وقتىڭ ىزدەرى مەن باسقا دا زاقىم بولماعان. قۇستىڭ ءولى دەنەسى اۋرۋ تارالۋىن بولدىرماۋ ءۇشىن قولدانىستاعى زاڭناما بويىنشا جويىلدى»، - دەدى كوميتەتتىڭ باسپا ءسوز قىزمەتىنەن.
بۇعان دەيىن ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتى ەلوردادا تۇرعىن ءۇي كەشەنىنىڭ قۇرىلىس الاڭىندا جۇرگەن قوقيقاز قۇسىنا قاتىستى تۇسىنىك بەرگەن بولاتىن.
اۆتور: ەسىمجان ناقتىباي
