داۋرەن ابايەۆ: انتيكور جەمقورلىقتىڭ تولىق سۇلباسىن اشۋ تاكتيكاسىنا كوشتى

«اڭگىمە سىبايلاس جەمقورلىقپەن كۇرەسۋدىڭ جاڭا ءادىسى تۋرالى بولىپ وتىر. بۇگىنگى تاڭدا انتيكور مەملەكەت باسشىسىنىڭ تاسىرماسىنا سايكەس، لاۋازىمدى تۇلعالاردى جەكەلەپ قۇرىقتاۋدان، جەمقورلىق ارەكەتتىڭ تولىق سۇلباسىن اشۋ تاكتيكاسىنا كوشتى. بۇل جۇيەلى ءارى ءتيىمدى ءتاسىل. ارينە، سىبايلاس جەمقورلىق ارەكەتتىڭ بىرنەشە ءتۇرى بار. اتاپ ايتساق، تۇرمىستىق، كورپوراتيۆتىك نەمەسە جۇيەلى جەمقورلىق. سونىڭ ىشىندە ەڭ قاۋىپتىسى جۇيەلى پاراقورلىق. بۇل جاعدايدا انتيكور جەمقورلىقتىڭ وسى اتالعان تۇرىمەن كۇرەسۋدى قولعا الدى. مەنىڭ ويىمشا، بۇل ءبىزدىڭ ەلىمىز ءۇشىن ءتيىمدى بولماق»، - دەدى داۋرەن ابايەۆ «حابار» تەلەارناسىندا وتكەن «اشىق ديالوگ» 2.0 (وتكرىتىي ديالوگ 2.0) سۇحباتىنىڭ كەزەكتى سانىندا.

ونىڭ ايتۋىنشا، سىبايلاس جەمقورلىققا قارسى ءىس-قيمىل اگەنتتىگى پاراقورلىقپەن كۇرەسۋدىڭ جاڭا ءادىسىن ۋاقىتىلى قولعا الدى.

«سەبەبى قازىردىڭ وزىندە اۋىل شارۋاشىلىعى سالاسىندا «جەمقورلىق رەنتا» تۋرالى اڭگىمە ايتىلىپ جاتىر. مۇمكىن قازاقستاندىقتار ازىق-تۇلىك ساتىپ العان كەزدە تاۋار ءۇشىن عانا ەمەس شەنەۋنىكتەردىڭ قالتاسىن قامپيتۋ ءۇشىن دە تولەپ جاتقان شىعار. سونداي-اق، انتيكور باسقا سالالار بويىنشا دا جەمقورلىق ارەكەتتەردىڭ بەتىن اشۋ باعىتىندا جۇمىس ىستەپ جاتىر»، - دەيدى ول.

بۇعان دەيىن ق ر پرەزيدەنت اكىمشىلىگى باسشىسىنىڭ ءبىرىنشى ورىنباسارى قازاقستاندا ريەۆاكسيناتسيا پروتسەسىنىڭ باستى قاعيداتتارىن اتاپ بەردى.

ودان بولەك، داۋرەن ابايەۆ ەلىمىزدەگى مونوقالالاردىڭ تاعدىرىنا قاتىستى ءوز پىكىرىن ءبىلدىردى.