قازاقستاننىڭ قارۋلى كۇشتەرى اسكەري بارلاۋشى كۇنىن اتاپ وتۋدە
نۇر-سۇلتان. قازاقپارات - 5- قاراشا - بارلاۋ بولىمشەلەرى اسكەري قىزمەتشىلەرىنىڭ كاسىبي مەرەكەسى.
1992-جىلى ءدال وسى كۇنى قازاقستان قارۋلى كۇشتەرى باس شتابىنىڭ بارلاۋ باسقارماسى قۇرىلدى.
اسكەري بارلاۋ مەملەكەتتىڭ قاۋىپسىزدىگىن قامتاماسىز ەتۋدە ماڭىزدى ءرول اتقارىپ، ەلدىڭ قورعانىس قابىلەتىن نىعايتۋعا ايتارلىقتاي ۇلەس قوسادى، دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
بۇگىنگى كۇنى ارنايى وپەراتسيالار كۇشتەرى، بارلاۋ بولىمدەرى مەن ارنايى ماقساتتاعى بولىمشەلەر قارقىندى دامۋدا.
جەدەل، جاۋىنگەرلىك دايارلىق ءىس-شارالارى بارىسىندا بارلاۋشىلار داعدىلارىن جانە شەبەرلىكتەرىن جەتىلدىرىپ، شىڭدايدى.
2021-جىلى بارلاۋ بولىمشەلەرىنىڭ اسكەري قىزمەتشىلەرى «قالقان»، «ىزدەۋ»، «وتپانتاۋ» وقۋ-جاتتىعۋلارىنا قاتىستى.
سوڭعى مانيەۆرلەر بارىسىندا اۋە جانە جەر ءۇستى بارلاۋىنىڭ بۇكىل ءىس-قيمىلدارىن اسكەر توپتارى ىسكە اسىردى.
ناتيجەسىندە شارتتى قارسىلاستىڭ كۇشتەرى مەن قۇرالدارىنا جوعارى ءدال سوققىلار جاسالدى. وقۋ-جاتتىعۋلار مەن كەشەندى تەكسەرۋلەردىڭ ناتيجەلەرى قازاقستاننىڭ قارۋلى كۇشتەرىندە مامانداردى دايارلاۋدىڭ شەتەلدىكتەردەن كەم تۇسپەيتىن دەربەس، وتاندىق جۇيەسى بارلىعىن دالەلدەيدى.
