قازاق تىلىندەگى قاتە قولدانىستاردىڭ ەلەكتروندى بازاسى ازىرلەنەدى - ايدا بالايەۆا

«ارينە، مەملەكەتتىك تىلدەگى مەديانىڭ بەلسەندى دامۋى ءبىرىنشى كەزەكتە قازاق ءتىلدى اۋديتوريانىڭ وسۋىنە بايلانىستى. سەبەبى بۇل - قوعام تالابى. سۇرانىس ءارقاشان دا ۇسىنىستى تۋدىراتىنى بەلگىلى. دەگەنمەن، سان بار جەردە ساپا ماسەلەسىن دە ۇمىتپاۋىمىز كەرەك. وكىنىشكە قاراي، قازىر ارزان مالىمەت تاراتۋعا اۋەس «سارى» باسىلىمدار دەڭگەيى دە، وزگەرگىسى كەلمەيتىن ونلاين مەديا دا جەتكىلىكتى. قىسقا ۋاقىتتا مول قارالىم جيناۋدى باستى ماقسات ەتەتىن سايتتار اق- قاراسىن اجىراتپاي، جالعان اقپارات بەرۋگە، ءبىر-بىرىنەن كوشىرىپ باساتىن ساپاسى تومەن اۋدارمالارمەن بۇكىل كونتەنتتە تەك قىلمىس حرونيكاسىن تاراتاتىن «جاعا ۇستاتار» جاڭالىقتارعا عانا اۋەس»، - دەدى مينيستر.

ونىڭ ايتۋىنا قاراعاندا، كەلەشەكتە «ءسوز تۇزەر» قاتە تىركەستەر سوزدىگىنىڭ ۇلگىسىندە قاتە قولدانىلاتىن ورالىمداردىڭ ەلەكتروندى بازاسى جاسالماق.

«ارينە، ءداستۇرلى باسىلىمدارداعى جازۋ ءتىلى مەن ينتەرنەتتەگى جازۋ ستيلىندە ايىرماشىلىق بار. كوپتەگەن اقپارات سايتتاردىڭ مالىمەتتەرى قىسقا ءارى جەڭىل جازۋدى تاڭدايدى. سوندىقتان، بۇگىندە «ينتيل» جازۋ فورماسى ۇعىمى پايدا بولدى. دەسە دە، جىلدام اقپارات تاراتۋدى عانا ويلايتىن سايتتاردا كوپ جاعدايدا ءتىل تازالىعى بولمايدى. مۇنىڭ ءوزى ءبىرىنشى كەزەكتە قازاق ءتىلىن ينتەرنەت ارقىلى وقىپ ۇيرەنەتىن وسكەلەڭ ۇرپاققا كەرى اسەرىن تيگىزەتىنى انىق. بۇل رەتتە بيىل قىركۇيەك ايىندا ءبىزدىڭ مينيسترلىكتىڭ قولداۋىمان ەلىمىزدە العاش رەت «ءسوز تۇزەر» قاتە قولدانىستار سوزدىگى جيناق بولىپ شىقتى. اتالعان كىتاپقا قاتە قولدانىلىپ جۇرگەن 3,5 مىڭنان استام ءسوز تىركەستەرى بەرىلىپ، 2 مىڭنان استام ناقتى مىسال بەرىلگەن. قاتە ءسوز تىركەستەرىنىڭ دۇرىس نۇسقاسى ۇسىنىلعان بۇل وقۋ ادىستەمەلىك قۇرال ۇلتتىق باسپا سوزدەگى قازاق ءتىلىنىڭ قولدانىسىن ءبىر جۇيەگە كەلتىرۋگە سەپتىگىن تيگىزەتى دەپ سەنەمىن. الداعى ۋاقىتتا اتالعان سوزدىكتىڭ ەلەكتروندى بازاسى جاسالادى»، - دەدى ايدا بالايەۆا.

اۆتور: ەسىمجان ناقتىباي