گولوۆكين بىرنەشە بەلبەۋ باسكە تىگىلەتىن جەكپە- جەك وتكىزۋى مۇمكىن
ول نۇسقالاردىڭ ءبىرى رەتىندە IBF جانە IBO تيتۋلدارىنىڭ يەسى قازاقستاندىق گەننادي گولوۆكينمەن (41-1-1، 36 ك و) جەكپە- جەك وتكىزۋدى قاراستىرادى، دەپ حابارلايدى «حابار 24» Prosports.kz سايتىنا سىلتەمە جاساپ.
«قازىر مەنىڭ كوماندام مەگا- ايقاس ۇيىمداستىرۋ جۇمىستارىمەن اينالىسۋدا. گولوۆكين بەلبەۋلەردى بىرىكتىرەتىن جەكپە- جەك وتكىزگىسى كەلەدى. سوندىقتان ءبىز وسى اتاقتاردىڭ بارلىعى ءۇشىن كۇرەسەتىن شىعارمىز. بۇل ۇلكەن جەكپە- جەك بولارى ەدى. ەگەر گولوۆكين مۋراتانى جەڭىپ، تيتۋلداردى بىرىكتىرەتىن بولسا، ءبىز دە ونىمەن بىرلەسە الامىز»، - دەدى چارلو PBC Podcast ارناسىنىڭ ەفيرىندە.
دجەرمالل مەكسيكالىق ساۋل الۆارەس پەن امەريكالىق كالەب پلانت اراسىنداعى جەكپە- جەكتىڭ جەڭىمپازىمەن جۇدىرىقتاسۋعا دا قارسى ەمەس: «كىم جەڭىمپاز بولسا، مەن ونىمەن جەمىستى كەلىسسوز جۇرگىزە الامىن دەپ ويلايمىن. ەگەر وسى جىگىتتەردىڭ ءبىرى ماعان مۇمكىندىك بەرسە، مەن پايدالانامىن» .
www.24.kz
