بالاعا ەكپە سالدىرۋ قاجەت پە، ريەۆاكسيناتسيا كىمدەرگە كەرەك؟ - ساراپشىلار پىكىرى

«ءبىز قازىر ۆيرۋسقا قارسى ۆاكسينانىڭ ءۇشىنشى دوزاسىن ەگۋ باستالاتىنىن ايتىپ جاتىرمىز عوي، ءبىراق كەيبىر وتانداستارىمىز ءالى ءبىرىنشى كومپونەنتىن دە العان جوق. ۆاكسينا جاسالعان پلاتفورمالار يممۋندىق جاۋاپتىڭ ءارتۇرلى بولىكتەرىن بەلسەندىرەدى. دەنساۋلىق ساقتاۋ مينيسترلىگى ۇسىنعان سحەمانى تولىعىمەن قۇپتايمىن. ەگەر العاشقى ەكى دوزا «سپۋتنيك» ۆاكسيناتسياسى بولسا، بۇل جولى باسقاسىن العان دۇرىس دەپ ويلايمىن. مىسالى، ءبىزدىڭ QazVac-تى الۋعا بولادى. «سپۋتنيك» ادەنوۆيرۋسقا قوندىرىلعاندىقتان، جاسۋشا دەڭگەيىندە يممۋنيتەتتى وتە جاقسى بەلسەندىرەدى. ءبىراق ونىڭ جارامدىلىق اياسى وتە تار. ال QazVac-تىڭ ەرەكشەلىگى كەڭ، بۇل ولتىرىلگەن ۆاكسينا. بۋستەرلىك ۆاكسيناتسيا كەزىندە ۆاكسينانى اۋىستىرۋ وتە ورىندى»، - دەدى س. اسفەندياروۆ اتىنداعى قاز ۇ م ۋ- دىڭ جالپى يممۋنولوگيا كافەدرا مەڭگەرۋشىسى ەلميرا بيتانوۆا.

ساراپشى پرەزيدەنت حالىقتى قايتا ۆاكسيناتسيالاۋ ناۋقانىن باستاۋدى ۇسىنعانىن ەسكە سالدى.

ونىڭ ايتۋىنشا، مىندەتتى تۇردە قايتا ۆاكسيناتسيالانۋى كەرەك ازاماتتاردىڭ بەلگىلى ءبىر ساناتى بار. سونىمەن قاتار ءتيىمدى يممۋندىق رەاكسيانى ۇزارتقىسى كەلەتىن ەرىكتىلەرگە دە مۇمكىندىك بەرىلۋى كەرەك. سونداي-اق، باعدارلاما بارىسىندا ساراپشىلار بالالاردى ۆاكسينالاۋ ماسەلەسىن تالقىلادى.

«بالالار ەپيدەميولوگيالىق تىزبەككە بەلسەندى قاتىسادى. ولاردىڭ اعزاسىندا سيپتوسمىز وتكەنىمەن، وزدەرى ينفەكسيانىڭ تاسىمالداۋشىسى بولۋى مۇمكىن. سوندىقتان بالالاردى ۆاكسينالاۋ ورىندى. ارينە، بۇل شارا بالالارعا سالىناتىن ۆاكسينا قاۋىپسىز ەكەنىن تولىق كوز جەتكىزگەننەن كەيىن عانا باستالۋى كەرەك»، - دەدى ەلميرا بيتانوۆا.

مەديتسينا عىلىمدارىنىڭ كانديداتى، قوعام قايراتكەرى بەكسۇلتان تۇتقىشەۆ ۆاكسيناعا مۇقتاج بولعان توقسانىنشى جىلداردى ەسكە الدى.

«توقسانىنشى جىلدارى بالالاردى ۆاكسينالاۋ ماسەلەسى وزەكتى بولدى. سەبەبى مەملەكەتتىڭ ەكپە الاتىن اقشاسى جوق ەدى. ءسويتىپ بالالاردىڭ ءبىرشاما بولىگى ۆاكسينادان قاعىلدى. سالدارىنان توقسانىنشى جىلداردىڭ اياعى مەن ەكى مىڭىنشى جىلداردىڭ باسىندا كوبى 20-25 جاسىندا جەلشەشەكپەن اۋىردى، كوز جۇمدى»، - دەپ ەسكە الدى بەكسۇلتان تۇتقىشەۆ.

ال نۇر-سۇلتان قالاسى اكىمدىگىنىڭ كوپسالالى مەديتسينالىق ورتالىعىنىڭ جوعارى ساناتتى ينفەكتسيونيست دارىگەرى ايگۇل جاڭابايەۆا ريەۆاكسينايا الدىڭعى ەكى كوموپنەنتى العاننان كەيىن جارتى جىل وتكەندە جالاۋى كەرەك دەگەن پايىمىن ايتتى.

«قازىر جىل سايىن تۇماۋعا قارسى ەكپە الاتىندار كوپ. ويتكەنى تۇماۋ تارايتىن كەزەڭدەر تۇراقتى. ال بۇل ىندەتتەتىڭ تارايتىن ناقتى ءبىر كەزەڭى جوق. سوندىقتان التى اي سايىن ۆاكسينالا العان ءجون»، - دەيدى ول.