ەلوردادا ءىز-ءتۇزسىز جوعالعان جاس ءوسپىرىم قىز تابىلدى
نۇر-سۇلتان. قازاقپارات - بيىلعى جىلدىڭ 2- قاراشاسىندا ساعات 17:03 تە ەلوردانىڭ «سارىارقا» اۋداندىق پوليتسيا ءبولىمىنىڭ «102» نومىرىنە 2005-جىلعى قىز بالانىڭ جوعالعانى تۋرالى حابارلاما كەلىپ ءتۇستى، دەپ حابارلايدى قازاقپارات نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
پوليتسياعا شاعىمدانعان ەر ادامنىڭ ايتۋىنشا، كامەلەتتىك جاسقا تولماعان قىزدى سوڭعى رەت جەڭىس داڭعىلىنداعى كوللەدج عيماراتىنان شىققان كەزدە بايقاعان.
بويجەتكەننىڭ بۇعان دەيىن ۇيىنەن بىرنەشە رەت كەتىپ قالعانى دا بەلگىلى بولدى.
قىز بالانى ىزدەۋ جۇمىستارىنا ەلوردا پوليتسياسىنىڭ جەكە قۇرامى مەن ەرىكتىلەر جۇمىلدىرىلعان.
ىزدەۋ بارىسىندا ءتارتىپ ساقشىلارى ونىڭ بولۋى مۇمكىن جەرلەردىڭ بارلىعىن تەكسەرىپ شىقتى.
15 جاستاعى بويجەتكەن اقىرى تابىلدى. قازىرگى كەزدە ول ۇيىندە وتىر.
يۋۆەنالدىق پوليتسيا قىزمەتكەرلەرى ونىڭ وتباسىن ەسەپكە الدى. ەلوردا پوليتسەيلەرى اتا-انالارعا بالانىڭ ءجۇرىس-تۇرىسىن قاداعالاۋ قاجەتتىلىگى مەن تاربيەسى بويىنشا مىندەتتەرىن ءتيىستى اتقارماعانى ءۇشىن ارتىلاتىن جاۋاپكەرشىلىك تۋرالى ەسكە سالدى.
