ەلوردادا كۇن رايىنىڭ قولايسىزدىعىنان جول-كولىك وقيعاسى جيىلەدى
نۇر-سۇلتان. قازاقپارات - نۇر-سۇلتان قالاسىندا كۇن رايىنىڭ قولايسىزدىعى سالدارىنان جول-كولىك وقيعاسىنىڭ سانى ارتتى، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنە سىلتەمە جاساپ.
ەلوردالىق پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باسشىسى ارمان ايتماعامبەتوۆتىڭ ايتۋىنشا، بۇگىن تاڭعى ساعات 7:00 دەن بەرى قالا اۋماعىندا 70 جول-كولىك وقيعاسى تىركەلگەن.
كۇن رايى بۇزىلىپ، جاۋىن-شاشىننىڭ تۇسۋىنە بايلانىستى اتالعان ۆەدومستۆو استانالىق كولىك جۇرگىزۋشىلەرگە جولدا ساق بولۋ كەرەكتىگىن ەسكەرتەدى.
ياعني جول ءجۇرۋ ەرەجەسىمەن قاتار، جىلدامدىق رەجيمىن، قاۋىپسىزدىك قاشىقتىعىن جانە مانيەۆر جاساۋ ەرەجەسىن قاتاڭ ساقتاۋعا شاقىرادى.
«كولىك جۇرگىزۋشىلەر ءۇشىن باستى قاۋىپ ىلعالدى اسفالت. جول تايعاق، ونىڭ ۇستىنە تۇنگى قاتقاق باستالدى. بۇل جاعداي كولىك قۇرالدارىنىڭ تەجەۋ جولىنىڭ ۇلعايۋىنا ىقپال ەتەدى. سونداي-اق، ەلوردا پوليتسەيلەرى قاۋىپسىزدىك ماقساتىندا جۇرگىزۋشىلەردەن كولىكتىڭ جازعى دوڭگەلەگىن قىسقىعا اۋىستىرۋعا كەڭەس بەرەدى. سونىمەن قاتار جاياۋ جۇرگىنشىلەر دە جولدا ساق بولعان ءجون»، - دەلىنگەن حابارلامادا.
