ون ەكى كۇن بويى ىزدەۋدە بولعان قوسشى تۇرعىنى استانادان تابىلدى

«بيىلعى جىلعى قازاننىڭ 31 ىندە ساعات 15:05 شاماسىندا سەلينوگراد اۋداندىق پوليتسيا ءبولىمىنىڭ كريمينالدىق پوليتسيا قىزمەتكەرلەرى وسىدان ون ەكى كۇن بۇرىن جوعالعان قوسشى قالاسىنىڭ 1991-جىلعى تۇرعىنى ساندۋعاش تاۋباي قىزى بەكىشوۆانى نۇر-سۇلتان قالاسىنىڭ جەكە سەكتورىندا ورنالاسقان ۇيلەردىڭ بىرىنەن تاپتى، وندا ول وت جاعۋشى بولىپ جۇمىس ىستەگەن»، - دەدى ۆەدومستۆودان.

ەسكە سالا كەتسەك، 2021-جىلدىڭ 20-قازانىندا سەلينوگراد اۋدانىنىڭ پوليتسيا بولىمىنە قوسشى قالاسىنىڭ 38 جاستاعى تۇرعىنى وتىنىشپەن جۇگىنىپ، ايەلىن ىزدەپ تابۋعا كومەك سۇراعان.

ەر ادامنىڭ سوزىنشە، 19-قازاندا ايەلى ۇيىنەن بەلگىسىز باعىتتا كەتىپ قالعان.

«ءىز-ءتۇزسىز جوعالعان ادامدى ىزدەۋ شارالارىنا اقمولا وبلىستىق پوليتسيا دەپارتامەنتىنىڭ جانە اۋماقتىق بولىمشەلەرىنىڭ جەكە قۇرامى باعىتتالدى. سونداي-اق، جەرگىلىكتى تۇرعىندار مەن ەرىكتىلەر تارتىلدى. ولار ون ەكى كۇن بويى جوعالعان ايەلدى ىزدەدى. قازىر ايەل ۇيىندە، ونىمەن پروفيلاكتيكالىق اڭگىمە جۇرگىزىلدى. ونىڭ ءومىرى مەن دەنساۋلىعىنا ەشتەڭە قاۋىپ ءتونىپ تۇرعان جوق»، - تولىقتىردى ۆەدومستۆودان.