اقشانى قاتەلەسىپ باسقا بىرەۋگە اۋدارىپ جىبەرگەن جاعدايدا قالاي قايتارىپ الۋعا بولادى
نۇر-سۇلتان. قازاقپارات - اۋدارۋ كەزىندە ءسىزدىڭ ۇيالى تەلەفون ءنومىرىن نەمەسە كارتا، شوت دەرەكتەمەلەرىنىڭ ءنومىرىن قاتە جازعانىڭىز بەلگىلى بولدى.
تيىسىنشە اقشا مۇلدەم بوتەن ادامعا كەتتى. ەگەر تولەمدى قايتارۋ تۋرالى كەلىسە الساڭىز جاقسى. ءتىپتى شوتىڭىزعا قاراجات تۇسكەن جاعدايدا دا جىبەرۋشىنىڭ كىم ەكەنىن بىلە المايسىز. بۇنداي جاعدايدا نە ىستەۋ كەرەك؟
اقشا باسقا ادامنىڭ نەمەسە ۇيىمنىڭ شوتىنا قاراجات تۇسكەننەن كەيىن بانك ولاردى كەرى قايتارا المايدى. ول مۇنى ىستەۋگە مىندەتتى ەمەس. ارينە، ءسىز الۋشىمەن بايلانىسىپ، سومانى ءوز ەركىمەن قايتارۋدى سۇراي الاسىز. باس تارتقان كەزدە تەك سوتقا جۇگىنۋ جانە اقشانى ءوندىرىپ الۋ تۋرالى تالاپ-ارىز بەرۋ عانا قالادى، سەبەبى قولدانىستاعى زاڭنامادا ق ر ازاماتتىق كودەكسىنە سايكەس بۇل ارەكەت «نەگىزسىز بايۋ» رەتىندە قارالادى. سونداي-اق ءسىز ۇلتتىق بانكتىڭ قولدانىستاعى قايتا قارجىلاندىرۋ مولشەرلەمەسى بويىنشا اقشاڭىزدى پايدالانعانى ءۇشىن سىياقى ءوندىرىپ الا الاسىز.
ەگەر اقشا بىرەۋدىڭ تەلەفون ءنومىرى ارقىلى جىبەرىلسە نە ىستەۋ كەرەك؟
ءسىز تەلەفون ءنومىرى بويىنشا جەدەل تولەم جاسادىڭىز، ءبىراق سيفردان قاتە جىبەردىڭىز. بۇل وپەراتسيانى بانك ارقىلى قايتارىپ الۋعا بولمايدى. الۋشىمەن حابارلاسىپ، قاتە اۋدارىم جاساعانىڭىزدى ءتۇسىندىرىپ كورىڭىز، تۇسكەن سومانى قايتارۋدى سۇراڭىز. ول ادام سىزگە سەنۋى جانە الاياق رەتىندە قابىلداماۋى ءۇشىن شوتتى تەكسەرۋدى ۇسىنىڭىز. الۋشى ءسىزدىڭ جاعدايىڭىزدى ءتۇسىنىپ، سودان كەيىن اقشانى كەرى اۋدارىممەن قايتارۋى مۇمكىن.
ەگەر اقشا باسقا بىرەۋدىڭ كارتا نەمەسە شوت ءنومىرى ارقىلى جىبەرىلسە نە ىستەۋ كەرەك؟
ەگەر ءسىز كارتوچكانىڭ نەمەسە شوتتىڭ دۇرىس ەمەس ءنومىرى بويىنشا اقشانى قاتە جىبەرگەن بولساڭىز، بانككە حابارلاسىپ، ءبارىن ءتۇسىندىرىپ، مەنەدجەردەن اقشانى قالاي قايتارۋعا بولاتىندىعىن ءبىلۋىڭىز كەرەك. سونىمەن قاتار، بۇل جاعدايدا بانك تولەمدى ءبىرجاقتى تۇردە كەرى قايتارا المايدى. ءاربىر بانكتىڭ وسىنداي ماسەلەلەردى شەشۋدىڭ ءوز ءراسىمى بار. كوبىنەسە، ەگەر اۋدارىم دۇرىس ەمەس بانكتىك شوتقا ءساتتى جىبەرىلسە، اقشانى الۋشىنىڭ كەلىسىمىمەن عانا قايتارۋعا بولادى.
ەگەر اقشا اۋدارۋ پروتسەسى ءجۇرىپ جاتقان بولسا، وندا وپەراتسيانى بولدىرماۋعا بولادى. ەگەر ءسىز قاتە جىبەرىپ، جوق بانكتىك دەرەكتەردى كورسەتسەڭىز، تولەم جاسالمايدى جانە اقشانى قايتارۋ اۆتوماتتى تۇردە جۇرەدى.
Fingramota.kz
