پوليتسيانىڭ يدەولوگياسى مەن مادەنيەتى وزگەرەدى

نۇر-سۇلتان. قازاقپارات - بۇل تۋرالى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى الەكسەي ميليۋك «پوليتسيانىڭ سەرۆيستىك مودەلى قاۋىپسىزدىكتى نىعايتۋدىڭ نەگىزى» تۋرالى بريفينگتە ايتتى.

الەكسەي ميليۋك پوليتسيانىڭ ءداستۇرلى قىزمەتتەن سەرۆيستىك مودەلگە كوشۋى تۋرالى ايتىپ بەردى.

بۇل ۇردىستەگى ەڭ ماڭىزدىسى - ءبىزدىڭ قىزمەتكەرلەردىڭ يدەولوگياسى مەن مادەنيەتىنىڭ وزگەرۋى. بۇل وزگەرىستەردى قاجەت ەتەتىن كەڭىنەن تاراعان مىسال كەلتىرەيىن. حالىقتىڭ پوليتسيا تۋرالى كوزقاراسى جەكە بايلانىس ناتيجەسىندە قالىپتاسادى. بىزدە، وكىنىشكە قاراي، پوليتسيا قىزمەتكەرلەرى ازاماتتارمەن بايلانىستا تالاپ قويۋى ءجيى كەزدەسەدى. ماسەلەن، ۇلى بريتانيادا پوليتسيانىڭ ديالوگى «سىزگە قالاي كومەكتەسە الامىن؟» سوزىنەن باستالادى، - دەدى ميليۋك.

ونىڭ ايتۋىنشا، بۇل ودان ءارى بولاتىن اڭگىمەلەسۋدىڭ شىرايىن كەلتىرىپ، سەنىمدى قارىم- قاتىناس ورناتۋعا مۇمكىندىك بەرەدى.

سوندىقتان «لوندوندا پوليتسيانى كەزدەستىرسەڭ، قاجەتتى كونسۋلتاتسيالار مەن قاۋىپسىزدىكپەن قامتاماسىز ەتىلگەن» دەگەن پىكىر بار. وسى ماسەلەگە ءوزىمىزدىڭ قىزمەتكەرلەرىمىزدى بەيىمدەپ جاتىرمىز، - دەدى ول.

BAQ. KZ