قار ارالاس جاڭبىر، كۇشتى جەل، تۇمان جانە كوكتايعاق - جەكسەنبىدەگى اۋا رايى

نۇر-سۇلتان. قازاقپارات - جەكسەنبى ەلىمىزدە اۋا رايى قۇبىلمالى بولادى، دەپ حابارلايدى قازاقپارات قازگيدرومەتكە سىلتەمە جاساپ.

31 -قازاندا فرونتالدى اعىنداردىڭ سالدارىنان رەسپۋبليكانىڭ باسىم بولىگىندە اۋا رايى قۇبىلمالى بولادى، جاڭبىر، قار جاۋادى، تەك باتىستا جانە وڭتۇستىك وڭىرلەردە كۇن رايى اشىق بولادى. سولتۇستىك قازاقستان وبلىسىنىڭ سولتۇستىگىندە تۇمان ءتۇسىپ، كوكتايعاق بولادى، بۇرقاسىن سوعۋى مۇمكىن، وبلىستىڭ وڭتۇستىك- شىعىسىندا جەل جىلدامدىعى 15-25 م/س جەتەدى.

اقمولا وبلىسىندا، قوستاناي وبلىسىنىڭ سولتۇستىگىندە، شىعىسىندا، شىعىس قازاقستان وبلىسىنىڭ سولتۇستىگى مەن باتىسىندا تۇمان ءتۇسىپ، كوكتايعاق بولادى، جەلدىڭ كۇشى 15-20 م/س جەتەدى.

پاۆلودار وبلىسىندا جەل كۇشەيىپ، جىلدامدىعى 15-20 م/س جەتەدى، وبلىستىڭ باتىسى مەن وڭتۇستىگىندە ەكپىنى 23 م/س بولادى، وبلىستىڭ سولتۇستىگىندە كوكتايعاق بولادى، جاياۋ بۇرقاسىن سوعۋى ىقتيمال.

تۇندە قاراعاندى وبلىسىنىڭ سولتۇستىگىندە، ورتالىعىندا، كۇندىز سولتۇستىگىندە، شىعىسىندا جانە ورتالىعىندا كوكتايعاق بولادى، جاياۋ بۇرقاسىن سوعادى، جەلدىڭ جىلدامدىعى 15-20 م/س جەتەدى.

تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە، اتىراۋ وبلىسى، ماڭعىستاۋ وبلىسىنىڭ باتىسىندا، سولتۇستىگىندە جانە ورتالىعىندا، اقتوبە وبلىسىنىڭ باتىسىندا، تۇركىستان وبلىسىنىڭ تاۋلى ايماقتارىندا تۇمان تۇسەدى.

جامبىل وبلىسىنىڭ تاۋلى ايماقتارىندا - 15-20 م/س جەل سوعادى، تۇندە جانە تاڭەرتەڭ تۇمان ءتۇسۋى مۇمكىن.