سولتۇستىك قازاقستان تۇرعىندارى كوروناۆيرۋستى كوبىندە قاي جەردە جۇقتىرادى

پەتروپاۆل. قازاقپارات - سولتۇستىك قازاقستان وبلىسىندا كوروناۆيرۋستى جۇقتىرۋ كورسەتكىشى ەلىمىز بويىنشا الدىڭعى ورىنداردا.

سوڭعى ەكى اپتادا اۋرۋ كورسەتكىشى 1,4 ەسە وسكەن، دەپ حابارلايدى قازاقپارات ءتىلشىسى.

وڭىرلىك كوممۋنيكاتسيالار قىزمەتىندە كوروناۆيرۋستىڭ تارالۋى جانە ۆاكسيناتسيا بارىسى بويىنشا وڭىردەگى جاعداي باياندالدى. س ق و سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ارمان كۇشباسوۆتىڭ ايتۋىنشا، ەپيدەميولوگيالىق جاعداي ءماز ەمەس. وتكەن ەكى اپتادا قاۋىپتى ۆيرۋستى جۇقتىرۋ 1,4 ەسەگە ارتقان. سوڭعى تاۋلىكتە قاۋىپتى ينفەكسيا جاڭادان 163 ادامدا انىقتالدى. ونىڭ پايىز90 ىندا اۋرۋ بەلگىلەرى بار.

«وبلىستا اۋرۋ كورسەتكىشى 100 مىڭ ادامعا شاققاندا سوڭعى جەتى كۇندە 195,7-گە جەتتى، بۇل - رەسپۋبليكا بويىنشا جوعارى كورسەتكىشتەردىڭ ءبىرى. ءوڭىر 2-قازاننان «قىزىل» ايماقتا. ەپيدەميولوگيالىق تەرگەۋ كەزىندە تۇرعىنداردىڭ كوروناۆيرۋستى ەڭ كوپ قايدا جۇقتىراتىنى بەلگىلى بولدى. اۋىرعانداردىڭ 42 پايىز ك ۆ ي-دى ادام كوپ جينالاتىن - ساۋدا ورىندارىندا، قوعامدىق تاماقتانۋ ورىندارىندا، پوشتادا، بانكتەر مەن حالىققا قىزمەت كورسەتۋ ورتالىقتارىندا جۇقتىرعان. ەكىنشى ورىندا 24,3 پايىزبەن وتباسى تۇر. سونداي-اق تۇرعىنداردىڭ 21 پايىز قوعامدىق كولىكتە جۇقتىرعان. حالىقتىڭ 9 پايىز قاۋىپتى ينفەكسيانى حالىق كوپ جينالعان ءىس- شارالاردا، سونىڭ ىشىندە ويىن- تويلاردا، 2 پايىز - جۇمىستا، 1,7 پايىز - وبلىس ىشىندە جانە تىس ساپار بارىسىندا جۇقتىردى»، - دەيدى ارمان كۇشباسوۆ.

اۆتور: اقەركە داۋرەنبەك قىزى